Fərrux Yusubov

Fərrux Yusubov
	Yusubov Fərrux Oruc oğlu
	Fərrux Yusubov, 1967-ci il
Doğum tarixi	1916
Doğum yeri	Kiş, Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	3 iyul 1976 (60 yaşında)
Vəfat yeri	Bakı, Azərbaycan SSR, SSRİ
Vətəndaşlıq	SSRİ
Elmi dərəcəsi	elmlər doktoru
Təhsili	Nuxa Pedaqoji Texnikumu; Sov.İKP MK yanında İctimai Elmlər Akademiyası
Mükafatları

Fərrux Yusubov (Yusubov Fərrux Oruc oğlu; d. 1916-cı ildə Nuxa, Nuxa qəzası, Yelizavetpol quberniyası, Rusiya İmperiyası – ö. 3 iyul 1976-cı ildə, Bakı, Azərbaycan SSR, SSRİ) – elmlər doktoru, vəfat edərkən SSRİ-nin 50 illiyi adına Azərbaycan Dövlət Pedaqoji İnstitutunun elmi kommunizm kafedrasının müdiri (1971 – 1976) idi.

Haqqında məlumatlar

1916-cı ildə Nuxa qəzasının Kiş kəndində anadan olub.

Təhsili

Əvvəl pedaqoji orta (1940-ci ildən əvvəl), Böyük Vətən müharibəsindən sonra (1945) isə ali təhsil alıb, həmçinin Sov.İKP MK yanında İctimai Elmlər Akademiyasını bitirib.

İş yerləri

Pedaqoji orta təhsil aldıqdan sonra 1940-cı ilədək kənd məktəblərində müəllim, dərs hissə müdiri, direktor vəzifələrində işləyib.

Ali təhsil aldıqdan, həmçinin Sov.İKP MK yanında İctimai Elmlər Akademiyasını bitirdikdən sonra Azərbaycan KP MK-da instruktor, Azərbaycan KP MK Zaqatala rayon və Nuxa şəhər komitələrinin katibi, Azərbaycan SSR Ali və Orta ixtisas Təhsili Nazirliyi idarəsinin rəhbəri vəzifələrində çalışıb.

1969 – 1976-cı illərdə M.F.Axundov adına Rus Dili və Ədəbiyyatı İnstitutunda/SSRİ-nin 50 illiyi adına Azərbaycan Dövlət Pedaqoji İnstitutunda işləyib, 1971-ci ildən elmi kommunizim kafedrasının müdiri olub.

Elmi fəaliyyəti

Namizədlik və doktorluq dissertasiyaları müdafiə edib.

İctimai fəallığı

Azərbaycan SSR Ali Sovetinə deputat, Azərbaycan Kommunist Partiyasının XXII və XXIII qurultaylarına nümayəndə seçilib.

Hərbi xidmət

1940-cı ildə hərbi xidmətə gedib, Böyük Vətən müharibəsində (1941 – 1945) iştirak edib.

Mükafatları

"Qırmızı Əmək Bayrağı" ordeni, 2 dəfə;
1-ci dərəcəli "Vətən Müharibəsi" ordeni;
döyüş medalları.