Şəki Ensiklopediyası müzakirəsi:Sual-cavab, xəbərdarlıq, təklif və iradlar...

NETTY Milli İnternet Mükafatı müsabiqəsinin eksperti Elçin Bayramın, Rəşad Mehdiyevin və Mehman İsgəndərov tövsiyələri ilə bağlı müzakirə

1 – 7 dekabr 2024-cü il tarixləri arasında NETTY Milli İnternet Mükafatı müsabiqəsinin nominasiyaları üzrə namizədləri seçilir. Müsabiqəyə Şəki Ensiklopediyası və onun “Şəki təqvimi” facebook qrupu da daxil edilmişdir. Saytımıza və facebook qrupumuza səs vermiş ekspertlərdən bəziləri bizə öz tövsiyələrini də bildirdilər. Onlara təşəkkür edirik, bununla yanaşı həm də əlavə edirik ki, onların bəzən nə demək istədiklərini, nəyə eyham vurduqlarını əsla başa düşə bilmədik. Odur ki onların özünü bu müzakirəyə dəvət edirik ki, imkan varsa gəlib fikrini bizə izah etsinlər.

Elçin Bayram

O, burada yazıb ki,

Bu üslubda beynəlxalq müstəvidə yetərincə populyar olan alternativ platforma fəaliyyətdədir. Müəlliflik hüququ ilə bağlı məlumatlar çox azdır. İstifadə edilən kontentin doğruluğuna dair ətraflı məlumatların verilməsi vacibdir. Alternativ mənbədən oxşar məlumatların olması çoxluq təşkil edir.

Bilmək istəyirik,

• 1. “Bu üslubda beynəlxalq müstəvidə yetərincə populyar olan alternativ platforma fəaliyyətdədir” ― deyərkən nəyi nəzərdə tuturdu? Şəki Ensiklopediyası Mediaviki platformasında fəaliyyət göstərən ilk Azərbaycan saytıdır. Başqa ölkələrdə bu kifayət qədər populyardır, hətta universitetlərin saytlarını belə Mediaviki platformasında yaradırlar, lakin Azərbaycanda bunu ilk dəfə biz tətbiq etdik. Bizdən əvvəl Vikipediyanın və Şiə Vikipediyasının azərbaycanca bölməsi və xaricdə yaşayan bakılı yəhudilərin saytları Mediaviki platformasında var id, lakin birincilər sayt bölmələri, sonuncu isə rusca idi.
• 2. “Müəlliflik hüququ ilə bağlı məlumatlar çox azdır” ― deyərkən nəyi nəzərdə tutur? Mediavikini nəzərdə tutursa, saytda onun loqosu var. Məqalələrin müəllifini soruşursa, bu barədə də qeydimiz var, müəllif hüquqları Şəki Ensiklopediyasının redaksiya aiddir. Biz heç kimin məqaləsini kopya etmirik, bütün məqalələri özümüz yazırıq.
• 3. “İstifadə edilən kontentin doğruluğuna dair ətraflı məlumatların verilməsi vacibdir” ― deyərkən nəyi nəzərdə tuturdu? Bunu heç başa düşmürük?
• 4. “Alternativ mənbədən oxşar məlumatların olması çoxluq təşkil edir” ― deyərkən nəyi nəzərdə tutduğunu da əsla başa düşmədik. Hansı alternativ mənbədən, hansı oxşar məlumatlar?

Rəşad Mehdiyev

O, burada yazıb ki,

Domen wikipediyada olan bir bölməyə inteqrasiya olunub. Ona görə sayta daxil olan zaman sanki wikipadiyasan.

Sayta daxil olan oxucu həqiqətən də özünü Vikipediyadakı kimi hiss edə bilər, bu doğru. Amma “domen wikipediyada olan bir bölməyə inteqrasiya olunub” fikrini başa düşə bilmirik?

Mehman İsgəndərov

O, burada yazıb ki,

Qrupu bəyənmədim. Paylaşılan mətnlər və istifadə olunan media materiallarına diqqət yetirilməyib. Qrupun cover şəkli və loqosu da redaktəyə ehtiyac duyur.

Qrupun cover şəkli var, bu Şəki Ensiklopediyası saytının şəklidir. Çünki qrup Şəki Ensiklopediyasının qrupudur. Şəki Ensiklopediyasının şəklini redaktə etmək lazımdır? Loqo isə ümumiyyətlə yoxdur. Qrupun da loqosu olur bəyəm? “Paylaşılan mətnlər və istifadə olunan media materiallarına diqqət yetirilməyib” – deyərkən isə nəyi nəzərdə tutduğunu əsla anlaya bilmirik? Bilmək istəyirik, hansı mətnə, hansı materiala diqqət yetirməmişik?

Aydın Məmmədov (müzakirə) 02:02, 7 dekabr 2024 (+04)