Şəkinin Orta əsrlər tarixi (Tağı Musəvinin tədqiqatları üzrə)

Azərbaycan
Şəkinin Orta əsrlər tarixi ; (Tağı Musəvinin tədqiqatları üzrə)
	“Şəkinin Orta əsrlər tarixi (Tağı Musəvinin tədqiqatları üzrə)” kitabı, üz qabığının görünüşü.
Müəlliflər	Həsənov R.,; Məmmədov A.
Orijinalın dili	azərbaycanca
Ölkə	Azərbaycan
Şəhər	Bakı
İl	2023
Rəssam	Asim Abbasov
Nəşriyyat	Elm və təhsil
Nəşr	AMEA Şəki Regional Elmi Mərkəzi
Səhifə	150
Tiraj	500
	ISBN 978-9952-568-30-1
	elektron versiyası

Şəkinin Orta əsrlər tarixi (Tağı Musəvinin tədqiqatları üzrə) — AMEA Şəki Regional Elmi Mərkəzi Tarixi irs və etnoqrafiya şöbəsinin müdiri Rahim Həsənovun və M.F.Axundzadə adına Şəki Mədəniyyət Mərkəzinin əməkdaşı Aydın Məmmədovun birlikdə tərtib etdikləri kitab.

Haqqında məlumatlar[Vizual/Mobil redaktə | HTML redaktə]

2023-cü ilin iyun ayının 22-də Bakıda “Elm və təhsil” nəşriyyat-poliqrafiya müəssisəsində çap olunub. Kitabın nəşrinə AMEA Şəki Regional Elmi Mərkəzi Elmi Şurasının 21 aprel 2023-cü il tarixli 3 №-li protokoluna əsasən icazə verilib. Kitabın elmi redaktoru tarix elmləri doktoru, professor Mehman Süleymanovdur. Kitab 150 səhifədən ibarətdir və Ümummilli lider Heydər Əliyevin 100 illik yubileyinə ithaf edilib. Kitaba millət vəkili Vüqar İskəndərov ön söz yazıb.

Məzmunu[Vizual/Mobil redaktə | HTML redaktə]

Kitabda tədqiqatçı alim Tağı Musəvinin 1969-cu ildə “Şəki fəhləsi” qəzetində hissə-hissə çap olunmuş “Şəkinin orta əsrlər tarixi haqqında” adlı geniş məqaləsinin elmi-tənqidi mətni, XVI – XVIII əsrlər Şəkisinə aid tərcümə etdiyi rəsmi sənədlər öz izahları ilə birlikdə geniş oxucu kütləsinə təqdim olunur. Tağı Musəvinin bu araşdırmalarında əsasən XVI əsrin başlanğıcı ilə XVIII əsrin 40-cı illəri arasındakı dövrdə Şəki ilə Səfəvilər dövləti arasındakı münasibətlər, Şəkinin Səfəvilər dövlətində mövqeyi, bölgədə baş verən ictimai-siyasi proseslər və s. məsələlər yer almışdır.

Təqdimatı[Vizual/Mobil redaktə | HTML redaktə]

19 yanvar 2024-cü il tarixdə Şəki Heydər Əliyev Mərkəzində kitabın təqdimat mərasimi keçirilib. Təqdimatda deputat Vüqar İskəndərov, Şəki şəhər icra hakimiyyəti başçısının müavini Elman İmamverdiyev, AMEA Şəki Regional Elmi Mərkəzinin direktoru Yusif Şükürlü, M.F.Axundzadə adına Şəki şəhər Mədəniyyət Mərkəzinin direktoru Aqaəli Cəlilov və digər vəzifəli şəxslər, həmçinin rayon ictimaiyyətinin nümayəndələri, ziyalılar, media təmsilçiləri iştirak ediblər. Çıxış edənlər Tağı Musəvinin Azərbaycanın Orta əsrlər tarixinin öyrənilməsində rolundan söz açmış, bu kitabın Şəkinin Orta əsrlər tarixinin öyrənilməsi işində xüsusi əhəmiyyətini vurğulamışlar. Tədbirin sonunda kitabın tərtibçiləri Şəkinin tarixinin və mədəniyyətinin öyrənilməsi işinə verdikləri töhfələrə görə Azərbaycan Respublikası Mədəniyyət İşçiləri Həmkarlar İttifaqı Şəki Rayon Komitəsinin Fəxri fərmanı ilə təltif olunublar. Həmin gün Kanal S televiziya kanalının xəbərlər buraxılışında kitabın təqdimatı ilə bağlı məlumat gedib. 22 yanvarda AMEA-nın saytında, 24 yanvarda isə “Mədəniyyət” qəzetində və həmin qəzetin saytında təqdimatla bağlı xəbər dərc olunub.