Rüstəm Xəlilməmmədov

Rüstəm Xəlilməmmədov
Xəlilməmmədov Rüstəm Abdulla oğlu
Rüstəm Xəlilməmmədov, 19.04.2024.
Şəxsi məlumatlar
Doğum tarixi	22 aprel 1963 (1963-04-22)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ → Azərbaycan
Həyat yoldaşı	Xəlilməmmədova Nəzakət Nemət qızı
Uşaqları	Məmmədli Nicat, Cavadova Türkan
Atası	Xəlilməmmədov Abdulla Dövlət oğlu
Anası	Xəlilməmmədova Roza Abbas qızı
Musiqi aləti	kamança
Təhsili	Ü.Hacıbəyov adına Azərbaycan Dövlət Konservatoriyası nəzdində Xalq Konservatoriyası (1988–1991)

Rüstəm Xəlilməmmədov — tanınmış kamança ifaçısı, M.F.Axundzadə adına Şəki Mədəniyyət mərkəzinin tabeçiliyində fəaliyyət göstərən B.Ələsgərova adına şəhər folklor klubunun metodisti.

Haqqında məlumatlar

22 aprel 1963-cü il tarixdə Nuxada (indiki Şəki) anadan olub.

Təhsili

1970 – 1980-cı illərdə Şəki şəhər 19 №-li orta məktəbində,

1974 – 1979-cu illərdə Şəki şəhər 2 №-li uşaq musiqi məktəbinin kamança sinfində,

1988 – 1991-ci illərdə Ü.Hacıbəyov adına Azərbaycan Dövlət Konservatoriyasının nəzdində fəaliyyət göstərən Xalq Konservatoriyasında təhsil alıb.

Əmək fəaliyyəti

1992-ci ildən Şəki şəhər mədəniyyət şöbəsinin, daha sonra isə M.F.Axundzadə adına Şəki şəhər Mədəniyyət mərkəzinin tabeçiliyində fəaliyyət göstərən müxtəlif klublarda, müxtəlif vəzifələrdə (bədii rəhbər, direktor, metodist və s.) çalışıb.

Hal-hazırda M.F.Axundzadə adına Şəki Mədəniyyət mərkəzinin tabeçiliyində fəaliyyət göstərən B.Ələsgərova adına şəhər folklor klubunun metodistidir.

Pedaqoji fəaliyyəti

2000 – 2007-ci illərdə Şəki Şəhər Uşaq İncəsənət Məktəbinində kamança ixtisası üzrə müəllim işləyib.

Musiqiçi fəaliyyəti

1978 – 1979-cu illərdə M.F.Axundov adına Şəki şəhər mədəniyyət evində Şahid Əbdülkərimovun rəhbərliyi ilə fəaliyyət göstərən “Səbuhi” xalq çalğı alətləri ansamblının,

1988 – 1991-ci illərdə Bakıda təhsil alarkən isə Xətai adına mədəniyyət evinin “Şur” ansamblının üzvü olub. Eyni zamanda Dövlət tədbirlərində, eləcə də Bakı kəndlərində toy məclislərində xanəndələrdən Səxavət Məmmədovu, Ağakərim Nafisi, Könül Xasıyevanı, Almas Orucovanı, Gülyaz və Gülyanaq Məmmədovaları müşayiət etmişdir.

Ədəbiyyat

1. Təhmirazqızı S. Rüstəm Xəlilməmmədov // Şəkidə ifaçılıq sənəti. — Bakı: Nərgiz, 2016. — Səhifələrin sayı:  224. — Səh.: 183. — 300 nüsx.