İbrahim Mustafayev (mayor)

İbrahim Mustafayev
Mustafayev İbrahim Yusif oğlu rus.: Мустафаев Ибрагим Юсуф-оглы
İbrahim Mustafayev.
Doğum tarixi	15 aprel 1909(1909-04-15)
Doğum yeri	Nuxa (indiki Şəki) , Nuxa qəzası, Yelizavetpol quberniyası, Rusiya İmperiyası
Vəfat yeri	26 oktyabr 1944 (35 yaşında)
Hərbi fəaliyyəti
Rütbə	Mayor
Təltifləri

İbrahim Mustafayev (1909–1944) — peşəkar hərbçi-zabit, Sovet Ordusunun qvardiya mayoru. Böyük Vətən müharibəsində həlak olmuşdur.

Haqqında məlumatlar

15 aprel 1909-cu il tarixdə Nuxada (indiki Şəki) anadan olub.

Hərbçi fəaliyyəti

3 oktyabr 1931-ci il tarixdən Sovet Ordusunda xidmətə başlayıb.

Böyük Vətən müharibəsində (1941–1945) iştirak edib.

26 oktyabr 1944-cü il tarixdə – 35 yaşında, Macarıstanda alman-faşist işğalçıları ilə döyüş zamanı qəhrəmancasına həlak olub. Nəşi döyüş meydanından yalnız 7 noyabrda götürülüb və Macarıstanın Nyiredxaza şəhərinin “Qardaşlıq qəbiristanlığı”nda dəfn edilib (daha sonra bu qəbiristanlıqda dəfn edilmiş bütün şəxslərin qalıqları Macarıstanın Debretsen şəhərindəki sovet hərbi hissəsinin ərazisində yerləşən hərbi qəbiristanlığa köçürülmüşdür).

Hərbi rütbəsi (illərlə)

1936-cı ildə leytenant,

1937-ci ildə baş leytenant,

1940-cı ildə kapitan,

1942-ci ildə mayor hərbi rütbəsi alıb.

Təltif və mükafatları

• II dərəcəli “Vətən Müharibəsi” ordeni (25.12.1943);
• I dərəcəli “Vətən Müharibəsi” ordeni (15.05.1944);
• “Döyüş xidmətlərinə görə” medalı (ölümündən sonra, 03.11.1944);
• “Qırmızı Ulduz” ordeni (ölümündən sonra, 05.11.1944);
• “Qafqazın müdafiəsinə görə” medalı (ölümündən sonra, 02.06.1945).

Xatirəsi

Vaxtilə Şəkidə yaşamış olduğu evinin divarına vurulmaq üçün nəzərdə tutulmuş xatirə lövhəsi 2021-ci ildə Şəkidəki qəbiristanlıqlardan birinə atılmış vəziyyətdə Zəminə Rəsulova tərəfindən aşkar edilib.

2022-ci ildə Şəkidə bir küçəyə adı verilib və həmin küçənin əvvəlində divara xatirə lövhəsi vurulub.

Ədəbiyyat

1. Лейла бегим. Гвардии майор Ибрагим Юсуф оглы Мустафаев : [arx. 15.07.2021] : [rus.] // YOLDAŞ:Азербайджан в Великой Отечественной войне. — Müraciət tarixi: 15.07.2021.
2. Мустафаев Ибрагим Юсуф-оглы : [arx. 15.07.2021] : [rus.] // Память Народа. — Müraciət tarixi: 15.07.2021.

Şəkillər

• 
  İbrahim Mustafayevin Macarıstanın Debretsen şəhərində dəfn edildiyi ümumi qəbir.
• 
  Macarıstanın Debretsen şəhərində dəfn edildiyi ümumi qəbirin kitabəsində İbrahim Mustafayevin adı olan hissə.
• 
  İbrahim Mustafayevin Şəkidəki evi üçün nəzərdə tutulmuş xatirə lövhəsi (2021-ci il üçün Şəkidəki qəbiristanlıqların birində, bir qəbrin üzərinə qoyulmuş vəziyyətdədir; foto: Zəminə Rəsulova).
• 
  Şəkidə adını daşıyan küçədə (köhnə xəstəxananın qarşısındakı küçəyə paralel) divara vurulmuş xatirə lövhəsi.