Telman Muxtarlı

Telman Muxtarlı (1951–2010) — tanınmış musiqiçi, aranjemançı və Şəkidə fəaliyyət göstərən “Zirvə” vokal-instrumental ansamblının rəhbəri.

Telman Muxtarlı
Muxtarlı (Muxtarov) Telman Ziya oğlu
Telman Muxtarlı, 2009-cu il.
Şəxsi məlumatlar
Doğum tarixi	27 fevral 1951(1951-02-27)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	26 aprel 2010 (59 yaşında)
Vəfat yeri	Şəki, Azərbaycan
Həyat yoldaşı	Elmira Ramiz qızı Xəlifəzadə
Təhsili	• Şəki Musiqi Texnikumu, tar ixtisası  • Azərbaycan İnşaat Mühəndisləri Universiteti, memarlıq fakültəsi

Haqqında məlumatlar

27 fevral 1951-ci il tarixdə Nuxada (indiki Şəki) anadan olub.

Təhsili

Şəki Musiqi Texnikumunu tar ixtisası üzrə bitirib.

Daha sonra Azərbaycan İnşaat Mühəndisləri Universitetnin memarlıq fakültəsində təhsil alıb.

Musiqiçi fəaliyyəti

Telman Muxtarov, 1980-cı illərin əvvəlləri.

1971 – 2010-cu illərdə Şəkinin “Zirvə” vokal-instrumental ansamblının rəhbəri olub. Onun rəhbərliyinin ilk dövrlərində ansambl tez-tez Şəkidə və ətraf rayonlarda konsert proqramları ilə çıxış etmişdir; o cümlədən,

1978-ci ildə Moskva şəhərində Xalq Təsərrüfatı Nailiyyətləri Sərgisində keçirilən Ümumittifaq Festivalında qızıl medala layiq görülmüş,

1979-cu ildə Azərbaycan Televiziyasının “Gənclik estradası” yarışmasının qaliblərindən biri olmuşdur.

Sonrakı illərdə Rusiyanın Taqanroq şəhərində və Tümen vilayətində, həmçinin, Türkiyədə keçirilən festivallarda və digər tədbirlərdə də konsert proqramları ilə çıxışları olub.

Vəfatı

26 aprel 2010-cu il tarixdə – 59 yaşında, Şəkidə vəfat edib.