Namiq Rəşidov

Namiq Rəşidov
	ukr.: Рашидов Намік Мамед огли
	Namiq Rəşidov, 2012-ci il.
Doğum tarixi	14 iyun 1950 (74 yaş)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Ukrayna
Elm sahəsi	fizika
İş yeri	Ukrayna Bioresurslar və Təbiətdən İstifadə Universitetinin bitki fiziologiyası və biokimyası kafedrası (müdir)
Elmi dərəcəsi	biologiya elmləri doktoru
Təhsili	• S.M.Kirov adına Azərbaycan Dövlət Universiteti, fizika fakültəsi (1968–1973) • Ukrayna SSR EA Bitki Fiziologiyası İnstitutu, aspirantura (1976–1979)

Namiq Rəşidov — biologiya elmləri doktoru, Ukrayna Bioresurslar və Təbiətdən İstifadə Universitetinin bitki fiziologiyası və biokimyası kafedrasının müdiri, Taras Şevçenko adına Kiyev Milli Universitetinin mühazirəçi, Ukrayna Milli Elmlər Akademiyasının Bitki Hüceyrəsi və Gen Mühəndisliyi İnstitutunun Signal Sistemlərin Biofizikası laboratoriyasının müdiri.

Haqqında məlumatlar

14 iyun 1950-ci il tarixdə Nuxada (indiki Şəki) anadan olub.

Təhsili

1958-ci ildə Nuxa şəhər M.Qorki adına 10 №-li orta məktəbində təhsil almağa başlayıb.

1961-ci ildən, ailəsinin Bakıya köçməsi ilə əlaqədar olaraq, orta təhsilini Bakı şəhər 39 №-li orta məktəbində davam etdirib.

1968 – 1973-cü illərdə S.M.Kirov adına Azərbaycan Dövlət Universitetinin fizika fakültəsində,

1976 – 1979-cu illərdə Ukrayna SSR EA Bitki Fiziologiyası İnstitutunun aspiranturasında təhsil alıb.

Elmi fəaliyyəti

1983-cü ildə Moskvada – SSRİ Elmlər Akademiyasının Biofizika İnstitutunda, radiobiologiya sahəsi üzrə namizədlik dissertasiyasını,

1994-cü ildə Kiyevdə – Ukrayna Milli Elmlər Akademiyasının Onkologiya və Radiobiologiya İnstitutunda, doktorluq dissertasiyasını müdafiə edib.

400 dən artıq elmi işin (monoqrafiya, məqalə, patent və sair) müəllifidir və bir çox beynəlxalq elmi layihələrdə fəal iştirak edib. Amerika və Avropada həyata keçirilən çox sayda konqres, konfrans və simpoziumlarda mühazirə ilə çıxış edib.

Əmək fəaliyyəti

1973 – 1976-cı illərdə Azərbaycan SSR Elmlər Akademiyasının nəzdində fəaliyyət göstərən Radiasiya Tədqiqatları Bölməsində baş mühəndis vəzifəsində çalışıb.

1982 – 1989 illərdə Azərbaycan SSR Elmlər Akademiyasının müxtəlif elmi-tədqiqat institutlarında və S.M.Kirov adına Azərbaycan Dövlət Universitetində işləyib.

1996-cı ildən Ukrayna Milli Elmlər akademiyasının Bitki Hüceyrəsi və Gen Mühəndisliyi İnstitutunun Signal Sistemlərin Biofizikası laboratoriyasının müdiridir.

1999-cu ildən Taras Şevçenko adına Kiyev Milli Universitetinin mühazirəçisidir.

2005-ci ildən Ukrayna Bioresurslar və Təbiətdən İstifadə Universitetinin (2008-ci ilədək: Ukrayna Milli Aqrar Universiteti) bitki fiziologiyası və biokimyası kafedrasının müdiridir.

Digər

Ukrayna Milli Radasının Əhalinin Şüalanmadan Qoruma Komitəsinin üzvüdür. Çernobıl qəzasından sonra yaranmış fəsadların aradan qaldırılması istiqamətində fəaliyyətinə və xidmətlərinə görə Ukrayna Çernobıl Cəmiyyətinin “Xidmətə görə” (2013) və “2-сi dərəcəli ÇAES xatirəsi” (2016) ordenləri ilə təltif olunub.

Rəşidovların nəsil şəcərəsi