Qurbanəli Mustafayev

Qurbanəli Mustafayev
Mustafayev Qurbanəli Abdurəhim oğlu
Qurbanəli Mustafayev.
Doğum tarixi	25 sentyabr 1926(1926-09-25)
Doğum yeri	Nuxa (indiki Şəki), Şəki qəzası, Azərbaycan SSR, ZSFSR, SSRİ
Vəfat tarixi	16 fevral 1998 (71 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	geologiya-mineralogiya elmləri doktoru
Təhsili	• S.M.Kirov adına Azərbaycan Dövlət Universiteti, geologiya fakültəsi (1948–1953)  • Ümumittifaq Geofiziki-Kəşfiyyat Üsulları Elmi-Tədqiqat İnstitutu, aspirantura (Moskva)
Həyat yoldaşı	Minirə
Uşağı	Azad
Elmi rəhbəri	M.K.Polşkov

Qurbanəli Mustafayev (1926–1998) — geologiya-mineralogiya elmləri doktoru, Azərbaycan Respublikası Dövlət Neft Şirkəti GMG İB-nin “AzərGeofizika” Elmi-Tədqiqat İnstitutunun laboratoriya müdiri.

Haqqında məlumatlar

25 sentyabr 1926-cı il tarixdə Nuxada (indiki Şəki) anadan olub.

Təhsili

Nuxa şəhər 7 №-li orta məktəbini bitirib.

1948 – 1953-cü illərdə S.M.Kirov adına Azərbaycan Dövlət Universitetinin geologiya fakültəsində təhsil alıb; institutu fərqlənmə diplomu ilə bitirib. Daha sonra Moskvada – Ümumittifaq Geofiziki-Kəşfiyyat Üsulları Elmi-Tədqiqat İnstitutunun aspiranturasına daxil olub.

Əmək fəaliyyəti

1960 – 1965-ci illərdə Azərbaycan SSR EA Geologiya İnstitutunda işləyib.

1965-ci ildən Ümumittifaq Geofiziki Kəşfiyyat Üsulları Elmi-Tədqiqat İnstitutunda laboratoriya müdiri olub.

Vəfat edərkən, Azərbaycan Respublikası Dövlət Neft Şirkəti GMG İB-nin “AzərGeofizika” Elmi-Tədqiqat İnstitutunda laboratoriya müdiri idi.

Elmi fəaliyyəti

1959-cu ildə Moskvada “Seysmik məlumatların geoloji interpretasiyasının yeni imkanları” mövzusunda namizədlik dissertasiyasını,

1975-ci ildə isə “Neft-qaz yataqlarının birbaşa axtarışının seysmik metodları” mövzusunda doktorluq dissertasiyasını müdafiə edib.

60-dan çox elmi əsərin, 11 ixtiranın, çoxsaylı elmi hesabat və tövsiyələrin müəllifidir.

4 elmlər namizədinin elmi rəhbəri olub.

Vəfatı

16 fevral 1998-ci il tarixdə, 71 yaşında, Bakıda vəfat edib.

Xatirəsi

Şəkidə bir küçəyə adı verilib.

Ədəbiyyat

1. Məmmədov Ə., Xalıqov F. Mustafayev Qurbanəli // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 429-430. — 1.000 nüsx.