Ədil xan Yelisuyski
Ədil xan Sultanov | |
---|---|
Yelisuyski Ədil xan Əhməd xan oğlu | |
![]() | |
Ədil xan Yelisuyski, 1915-ci il. | |
Digər adları | Udil xan, Edil xan, Ədil xan İlisuyski |
Doğum tarixi | dekabr 1882 |
Doğum yeri |
Nuxa (indiki Şəki), Nuxa qəzası, ![]() |
Vəfat tarixi | 1970 |
Vəfat yeri |
Kirovabad (indiki Gəncə), ![]() ![]() |
Həyat yoldaşı | Bilqeyis xanım Mehrəli bəy qızı |
Uşaqları | Firdovsi/Tuti (Bilqeys xanımdan), Əhmədxan və Məmmədxan (ikinci arvaddan) |
Atası | Əhməd xan |
Anası | Pəri xanım |
Vətəndaşlıq |
![]() |
İxtisası | zootexnik |
Təhsili | • Novorossiya İperator Universiteti (Odessa)[1], yaxud Leyspsik Universiteti (Almaniya), zootexnik ixtisası (1904–1907)[2] |
Avtoqraf |
![]() |
Adının digər versiyası | rus.: Адил-Хан Елисуйский |
Ədil xan Yelisuyski (1882–1970) — atçılıq sahəsi üzrə tanınmış mütəxəssis və iş adamı. 1918-ci ildə Nuxa şəhər idarəsinin başçısı vəzifəsində çalışmışdır. Həm İlisu sultanlarının, həm Şəki xanlarının, həm də Xoyskilərin nəslindən idi.
Haqqında məlumatlar
1882-ilin dekabr ayında Nuxada (indiki Şəki) anadan olub.
1891-ci ildə – 9 yaşı olarkən, 31 yaşlı atası vəfat edib.
Təhsili
1901-ci ildə Tiflis real məktəbini bitirib.
1904 – 1907-ci illərdə Novorossiya İmperator Universitetində (Odessa)[1], yaxud nə vaxtsa Leypsiq Universitetində (Almaniya) zootexnik ixtisası üzrə[2] təhsil alması barədə məlumatlar var[qeyd 1].
Əmək fəaliyyəti
1907-ci ildə Nuxanın 7 verstliyində, atasının şərəfinə onun adını daşıyan Əhmədbəyli at zavodunu (atçılıq təsərrüfatı) yaradıb. Bir neçə ildən sonra həmin zavodu Daşüz kəndinə köçürüb.
1914-cü ildə onun at zavodunda 300 başdan artıq at olub. Lakin Birinci Dünya müharibəsinin başlanmasından sonra bu atlardan əvvəl 60, sonra 40, daha sonra 25 başını rus ordusuna verib.
1918-ci ilin noyabr ayında Nuxa şəhər idarəsinin başçısı idi[qeyd 2].
1920-ci ildə Azərbaycanda sovet hökumətinin qurulmasından sonra onun yerdə qalan 160 baş atdan ibarət atçılıq təsərrüfatı milliləşdirilib. Lakin bu təsərrüfatın idarə edilməsinə elə özü də rəhbər təyin olunub və 1928-ci ilədək həmin vəzifədə saxlanılıb.
14 fevral 1928-ci il tarixdə Tiflisə köçüb və ZSFSR Kənd Təsərrüfatı Nazirliyində atçılıq sahəsi üzrə müxtəlif vəzifələrdə çalışıb.
Ailəsi
![](/wiki/images/thumb/9/91/%C6%8Fdil_xan.jpg/260px-%C6%8Fdil_xan.jpg)
![](/wiki/images/thumb/b/ba/Tuti_%C6%8Fdil_xan_q%C4%B1z%C4%B1.jpeg/260px-Tuti_%C6%8Fdil_xan_q%C4%B1z%C4%B1.jpeg)
İki dəfə ailə qurub.
Birinci arvadı Bilqeys xanım Mehrəli bəy qızından doğulmuş bir qızı uşaq yaşında ikən vəfat edib. Onu Nuxanın Sarıtorpaq məhəlləsindəki evlərinin həyətindəki kiçik məscidin[qeyd 3] yanında dəfn ediblər. Firdovsi, yaxud Tutu adlı digər bir qızı Azərbaycanın sovetləşməsindən sonra Türkiyədə qalıb[qeyd 4]. İkinci arvadından Əhmədxan adlı və Məmmədxan adlı iki oğlu olub və onlar özü ilə birlikdə Kirovabadda (indiki Gəncə) yaşayıblar.
Vəfatı
1970-ci ildə – 88 yaşında, Kirovabadda (indiki Gəncə) vəfat edib.
Nəsil şəcərəsi
İsmayıl xan | Hacı Tuti ağa | ||||||||||||||||||||||||||||||||||||||||||||||||||||||||||||||
İsgəndər xan Xoyski | Səadət bəyim | ? | Səkinə bəyim | əvvəl Zaman bəy Şeyxəlibəyov, sonra Həsən xan Sultanov | |||||||||||||||||||||||||||||||||||||||||||||||||||||||||||
Səltənət bəyim | Cahangir xan Xoyski | Səltənət bəyim | Əhməd xan | Pəri xanım | |||||||||||||||||||||||||||||||||||||||||||||||||||||||||||
Əfşan xanım | Əmiraslan xan Xoyski | Sara bəyim | Sehran bəyim | Teymur xan | Ədil xan | ||||||||||||||||||||||||||||||||||||||||||||||||||||||||||
Cəfər ağa | Bilqeyis bəyim | ||||||||||||||||||||||||||||||||||||||||||||||||||||||||||||||
Azad Xan-Xoyski (Cahangirli) | |||||||||||||||||||||||||||||||||||||||||||||||||||||||||||||||
Qeydlər
- ↑ Lakin bu məlumatlardan hansısa birinin təsdiqlənməsi hələlik mümkün olmamışdır və bu səbəbdən də onun barəsində Misir Mərdanovla Ədalət Tahirzadənin “1920-ci ilədək ali məktəblərdə oxumuş azərbaycanlılar (ensiklopedik soraq kitabı)” kitabında məlumat verilməmişdir.
- ↑ Professor Ədalət Tahirzadənin öz şəxsi arxivindən Şəki Ensiklopediyasına təqdim etdiyi Nuxa şəhər idarəsinin 30 noyabr 1918-ci il tarixli bir sənədindən (sənəd rus dilindədir) məlum olur ki həmin vaxt Nuxa şəhər idarəsinin rəisi Ədil xan Yelisuyski idi və Nuxa şəhər idarəsinin rəisi olaraq sənədi özü imzalamışdır.
- ↑ Ehtimal olunur ki həmin məscidi Hacı Tuti ağa tikdirmişdir.
- ↑ 1960-cı illərdə bir dəfə Kirovabada (indiki Gəncə) gəlmiş və atası ilə görüşmüşdür.
İstinadlar
- ↑ 1,0 1,1 Nəbiyev Ə., s. 295.
- ↑ 2,0 2,1 İlisu (ensiklopedik məlumat kitabı), 2012, s. 334.
Ədəbiyyat
- Nəbiyev Ə. Конный завод в «Ахмедбейли» // Əhməd Nəbiyevin qələmə aldığı Şəki haqqında tarixi-etnoqrafik materiallar (əlyazma).
- Ədilxan İlisuyski (1888–1970) // İlisu (ensiklopedik məlumat kitabı) / Murtuzayev S.M. (tərtibçi). — İkinci nəşr. — Bakı: Vətən, 2012. — Səhifələrin sayı: 416. — Səh.: 334 – 336. Arxivləşdirilib; arxivləşdirmə tarixi: 27 yanvar 2024.
- Salamoğlu A. Ədil xan. — Bakı: Şərq – Qərb, 2008. — Səhifələrin sayı: 288. — 200 nüsx.
Videolar
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
![]() |