Azər Rəhimli

Azər Rəhimli
Rəhimli Azər Əhməd oğlu
Azər Rəhimli.
Doğum tarixi	28 noyabr 1947(1947-11-28)
Doğum yeri	Bakı, Azərbaycan SSR, SSRİ
Vəfat tarixi	27 yanvar 2015 (67 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	Geologiya-mineralogiya elmləri namizədi
Təhsili	Patris Lumumba adına Xalqlar Dostluğu Universiteti, geologiya və neft yataqlarının axtarışı ixtisası (Moskva; 1966–1971)
Atası	Əhməd Rəhimli
Anası	Səyyarə Ələkbərova

Azər Rəhimli (1947–2015) — geologiya-mineralogiya elmləri namizədi. Müxtəlif illərdə Azərbaycan KP-nin Nuxa şəhər və Bakı şəhər rayon, Xaçmaz rayon komitələrinin birinci katibi, Azərbaycan SSR maarif nazirinin birinci müavini və s. bu kimi məsul vəzifələrdə çalışmış Əhməd Rəhimlinin oğludur.

Haqqında məlumatlar

28 noyabr 1947-ci il tarixdə Bakıda anadan olub.

Təhsili

1966-cı ildə Bakı şəhər 160 №-li orta məktəbini bitirib.

1966 – 1971-ci ildə Patris Lumumba adına Xalqlar Dostluğu Universitetində (Moskva) geologiya və neft yataqlarının axtarışı ixtisası üzrə təhsil alıb.

Elmi fəaliyyəti

1981-ci ilin yanvar ayında Xarkov Dövlət universitetində “Kiçik Qafqazın son təbaşir konkolitoforidləri (Azərbaycan)” mövzusunda namizədlik dissertasiyasını müdafiə edib.

Əmək fəaliyyəti

1971 – 1973-сü illərdə Kabil Politexnik İnstitutunda (Əfqanıstan) müəllim,

1973 – 1983-сü illərdə Azərbaycan SSR EA Geologiya İnstitutunda əvvəl mühəndis, sonra böyük mühəndis, daha sonra kiçik elmi işçi,

1983 – 1989-сu illərdə Azərbaycan SSR EA Dərin Neft və Qaz Yataqlarının Problemləri İnstitutunda böyük elmi işçi vəzifəsində çalışıb.

1995 – 1999-cu illərdə Azərbaycan Beynəlxalq Əməliyyat Şirkətinin əməkdaşı olub.

Vəfatı

27 yanvar 2015-ci il tarixdə – 67 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Рагимли Азер Ахмед оглы // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 458-459. — 1.000 nüsx.