İkram Ağasıyev
İkram Ağasıyev | |
---|---|
Ağasıyev İkram Kərim oğlu | |
![]() | |
İkram Ağasıyev. | |
Doğum tarixi | 18 oktyabr 1963 |
Doğum yeri |
Biləcik, Vartaşen rayonu[qeyd 1], ![]() ![]() |
Vətəndaşlıq |
![]() ![]() |
Elm sahəsi | tarix |
İş yeri | AMEA Abbasqulu Ağa Bakıxanov adına Tarix İnstitutu, Azərbaycanın sovet dövrü tarixi şöbəsi (şöbənin müdiri) |
Elmi dərəcəsi | tarix üzrə elmlər doktoru |
Elmi adı | dosent |
Təhsili | Volın Dövlət Universiteti (Lutsk, Ukrayna) |
facebook səhifəsi |
İkram Ağasıyev — tarix üzrə elmlər doktoru, dosent, AMEA Abbasqulu Ağa Bakıxanov adına Tarix İnstitutunun Azərbaycanın sovet dövrü tarixi şöbəsinin müdiri.
Haqqında məlumatlar
18 oktyabr 1963-cü il tarixdə Vartaşen rayonunun (hal-hazıərda Şəki rayonunun)[qeyd 1] Biləcik kəndində anadan olub.
Təhsili
Volın Dövlət Universitetini (Lutsk, Ukrayna) bitirib.
Elmi fəaliyyəti
Vətən tarixi ixtisası üzrə “Volın Quberniyasında alman koloniyaları (XVIII əsrin sonu-XX əsrin əvvəlləri)” mövzusunda namizədlik, Ümumi tarix ixtisası üzrə “Qafqazda alman koloniyalarının yaranması və onun regional xüsusiyyətləri (Şimali Qafqaz və Gürcüstanın nümunəsində)” mövzusunda doktorluq dissertasiyası müdafiə edib.
Çapdan çıxmış elmi əsərlərinin ümumi sayı 115-dir (31-i xaricdə, o cümlədən 5-i beynəlxalq bazalarda referatlaşdırılan və indeksləşdirilən jurnallarda olmaqla).
Əmək fəaliyyəti
AMEA Abbasqulu Ağa Bakıxanov adına Tarix İnstitutunun Azərbaycanın sovet dövrü tarixi şöbəsinin müdiridir.
Pedaqoji fəaliyyəti=
2003-cü ildən Bakı Biznes Universitetində Azərbaycan tarixindən,
2010-cu ildən isə kargüzarlıq və beynəlxalq yazışmalar fənnidən dərs deyir. Həmçinin paralel olaraq müxtəlif illərdə digər ali təhsil müəssisələrində müxtəlif fənlərdən dərs deyib.
Təltif və mükafatları
- Azərbaycan Respublikası Təhsil Nazirinin Fəxri fərmanı – 2008-ci ildə yüksək ixtisaslı kadrların hazırlanmasında elmi-pedaqoji fəaliyyətinə görə (2008);
- Alman – Azərbaycan cəmiyyəti tərəfindən Diplomu – Almaniya – Azərbaycan dostluq ənənələrinin inkişafında xidmətlərinə görə (2009);
- AMEA A.A.Bakıxanov adına Tarix İnstitutunun direktorunun Təşəkkürnaməsi – Azərbaycan Milli Elmlər Akademiyası A.A.Bakıxa-nov adına Tarix İnstitutunun Azərbaycan Tarix Qurumu ictimai birliyinin iştirakı ilə 2013-cü il dekabrın 6-7-də Azərbaycan Respublikasının Bakı şəhərində keçirdiyi “XIX əsrin əvvəllərində Qafqaz müharibələri və onların nəticələri”nə həsr olunmuş beynəlxalq elmi konfransda iştirakına və maraqlı məruzə ilə çıxışına görə (2013).
Qeydlər
- ↑ 1,0 1,1 4 yanvar 1963-cü il tarixdə Nuxa rayonu ləğv edilmiş, 1965-ci ilin yanvar ayınadək Nuxa şəhəri istisna olmaqla keçmiş Nuxa rayonunun bütün ərazisi Vartaşen rayonunun tərkibində olmuşdur. Bundan sonra – 1965-ci ildə, bir müddət keçmiş Nuxa rayonunun ərazisinin yarısı Vartaşen, yarısı isə Qax rayonlarının tərkibində olub. 1965-ci ilin iyun ayında Nuxa rayonu əvvəlki hüdudlarında bərpa edilib.
Ədəbiyyat
- Tarix İnstitutunun elmlər doktorları : Ağasiyev İkram Kərim oğlu : [arx. 2 Dec 2021 - 17 Aug 2022] // Azərbaycan Milli Elmlər Akademiyası. — Müraciət tarixi: 01.10.2023.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
![]() |