İbrahim Məmmədov (şəhid)

İbrahim Məmmədov
Məmmədov İbrahim Nakam oğlu
İbrahim Məmmədov.
Ləqəbi	Canavar
Doğum tarixi	3 aprel 1985(1985-04-03)
Doğum yeri	Şəki, Azərbaycan SSR, SSRİ
Vəfat tarixi	25 oktyabr 2020 (35 yaşında)
Vəfat yeri	Laçın rayonu, Azərbaycan
Dəfn yeri	Dovşan düzü qəbiristanlığı, Şəki
Vətəndaşlıq	Azərbaycan
Mənsubiyyəti	Azərbaycan Ordusu
Uşaqları	Elvin, Mətanət
Həyat yoldaşı	Aynur
Hərbi fəaliyyəti
Qoşun növü	Xüsusi Təyinatlı Qüvvələr
Xidmət illəri	gizir
Təltifləri

İbrahim Məmmədov (1985–2020) — Vətən müharibəsində şəhid olmuş Azərbaycan Silahlı Qüvvələrinin giziri.

Haqqında məlumatlar

3 aprel 1985-ci il tarixdə Şəkidə anadan olub.

Təhsili

1991 – 2002-ci illərdə Şəki şəhər 20 saylı tam orta məktəbində təhsil alıb.

Hərbi xidmətdə

Orta məktəbi bitirdikdən sonra hərbi xidmətə çağırılıb. Daha sonra Azərbaycan ordusunun Xüsusi Təyinatlı Qüvvələrində giziri olaraq hərbi xidmətini davam etdirib.

2010-cu ildə Türkiyədə təşkil olunmuş xüsusi təyinatlıların birləşmiş təlim-toplantısında,

2016-cı il Aprel döyüşlərində iştirak edib.

2020-ci il Vətən müharibəsinin ilk günlərindən ön cəbhədə vuruşub.

9 oktyabr 2020-ci il tarixdə, işğaldan azad olunmuş Hadrut qəsəbəsində ilk dəfə Azərbaycan bayrağı qaldıran hərbçilərdən biri olub.

17 oktyabr 2020-ci il tarixdə isə işğaldan azad edilmiş Füzuli şəhərində ilk dəfə Azərbaycanı bayrağını şəxsən özü qaldırıb və bu şəhərin azad olunmasını şəxsən özü Azərbaycan Respublikasının Prezidentinə görüntülü şəkildə məruzə edib.

Şəhid olması

25 oktyabr 2020-ci il tarixdə – 35 yaşında, Laçın rayonunun işğaldan azad edilməsi uğrunda gedən döyüşdə boynundan ağır yaralanaraq qəhrəmancasına həlak olub.

Şəkidə Dovşan düzü qəbiristanlığında dəfn edilib.

Təltif və mükafatları

• “Vətən uğrunda” medalı (ölümündən sonra, 15.12.2020);
• “İgidliyə görə” medalı (18.12.2020);
• “Şuşanın azad olunmasına görə” medalı – ölümündən sonra (29.12.2020).

Ailəsi

Ailəli idi. Elvin adlı oğlu, Mətanət adlı qızı var.

Ədəbiyyat

1. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : İBRAHİM Nakam oğlu Məmmədov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
2. Azərbaycan Respublikası Silahlı Qüvvələrinin hərbi qulluqçularının “Şuşanın azad olunmasına görə” medalı ilə təltif edilməsi haqqında : [arx. 4 Jan 2021 - 8 Jan 2021] // E-qanun.az. — 2020. — 29 dekabr. — Müraciət tarixi: 03.01.2022.

Video-çarxlar

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)