Şəmsa Rəşidova

Şəmsa Rəşidova
	Rəşidova Şəmsa Məmməd qızı
	Şəmsa Rəşidova.
Doğum tarixi	18 may 1948 (76 yaş)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	həkim-pediatr
İş yeri	Azərbaycan Tibb Universiteti, yoluxucu xəstəliklər kafedrası (dosent) Ə.Qarayev adına 2 saylı kliniki uşaq xəstəxanasının 1-ci neyroinfeksiya şöbəsi (konsultant)
Elmi dərəcəsi	tibb elmləri namizədi
Elmi adı	dosent
Təhsili	Nəriman Nərimanov adına Azərbaycan Dövlət Tibb İnstitutu, pediatriya fakültəsi (1968–1974)
facebook səhifəsi

Şəmsa Rəşidova — tibb elmləri namizədi, Azərbaycan Tibb Universitetinin yoluxucu xəstəliklər kafedrasının dosenti, həkim-pediatr, Ə.Qarayev adına 2 saylı kliniki uşaq xəstəxanasının 1-ci neyroinfeksiya şöbəsinin konsultantı.

Haqqında məlumatlar

18 may 1948-ci il tarixdə Nuxada (indiki Şəki) anadan olub.

1961-ci ildə ailəvi Bakıya köçüblər.

Təhsili

1968 – 1974-cü illərdə Nəriman Nərimanov adına Azərbaycan Dövlət Tibb İnstitutunun pediatriya fakültəsində təhsil alıb.

1974 – 1975-ci illərdə Ə.Qarayev adına 2 saylı kliniki uşaq xəstəxanasında internatura keçib və pediatr ixtisasına yiyələnib.

1989-cu ildə Moskvada M.İ.Piroqov adına 2-ci Dövlət Tibb İnstitutunda “Müəllimlərin ixtisasartırma” fakültəsində üçaylıq kurs keçib.

Əmək fəaliyyəti

1975 – 1976-cı illərdə M.Əzizbəyov adına doğum evində neonatoloq,

1976 – 1985-ci ilərdə Ə.Qarayev adına 2 saylı kliniki uşaq xəstəxanasında əvvəl həkim-ordinator, sonra isə şöbə müdiri vəzifəsində çalışmışdır.

1985-ci ildə müsabiqə yolu ilə Azərbaycan Dövlət Tibb İnstitutunun uşaq yoluxucu xəstəlikləri kafedrasında assistent vəzifəsinə seçilmiş,

1999-cu ildən dosent vəzifəsində çalışmağa başlamışdır.

2016-cı ildə pediatriya fakültəsinin ləğv olunması ilə əlaqədar olaraq, yoluxucu xəstəliklər kafedrasına keçirilib və həmin vaxtdan etibarən bu kafedrada dosent vəzifəsində çalışır.

Ə.Qarayev adına 2 saylı kliniki uşaq xəstəxanasının 1-ci neyroinfeksiya şöbəsinin konsultantıdır.

Elmi fəaliyyəti

1990-cı ildə Rusiya TEA-nın Pediatriya İnstitutunun dissertantı olub.

1996-cı ildə namizədlik dissertasiyasını müdafiə edərək tibb elmləri namizədi elmi dərəcəsini alıb.

4 dərs vəsaitinin, 11 tədris-metodik vəsaitin, Azərbaycanda və digər ölkələrdə çap olunmuş 117 elmi tezis və məqalənin müəllifidir.

Rusiya, Gürcüstan, Almaniya, Ukrayna və Azərbaycanda elmi konqres və konfranslarda iştirak edib.

Çap olunmuş elmi iş və məqalələri

Rəşidova Ş.M. Erkən yaşlı uşaqlarda CVH-nın müalicə prinsipləri tədris metodik vəsait, – Bakı 2009.
Rəşidova Ş.M., Qaragözova A.A. Uşaqlarda nadir rast gələn infeksion xəstəliklərin diferensial diaqnostikası tədris metodik vəsait, – Bakı 2014.
Hüseynova N.M., Rəşidova Ş.M., Qaragözova A.A., Bağırova M.H. Uşaqlarda qəbzliyin müalicəsində laktoloza preparatlarının effektivliyi, – “Sağlamlıq jurnalı” 2016, № 2.

Digər

1977 – 1980-cı illərdə Azərbaycan Səhiyyə Nazirliyinin təqdimatı ilə Az.TV-də “Sağlamlıq” jurnalının aparıcısı olub.

1998, 2001, 2005 və 2006-cı illərdə, hər dəfə 3 ay müddətində Almaniya Akademik Mübadilə Xidmətinin (DAAD) qrantları ilə Berlində Humboldt adına Universitetdə elmi ezamiyyətdə olub və Charite-Virchow klinikasında əmək təcrübəsi əldə edib.

1998 – 2013-cü ilədək Azərbaycanda AAMX-nun nəzdində tibb sahəsi üzrə seçim rəhbəri və imtahan komissiyasının sədri olub.

2001 – 2003-cü illərdə ATU–nun Xarici dillər kafedrasında dövlət imtahanları üzrə İmtahan Komissiyasının sədri olub.

Yeni Azərbaycan Partiyasının üzvüdür.

Ailəsi

Bir övladı var – Pirverdiyeva Fidan Rafiq qızı (1983-cü il təvəllüdlü), Azərbaycan Respublikası Konstitusiya Məhkəməsinin böyük məsləhətçisi, Dövlət Qulluğunun müşaviridir.