Səbuhi Məmmədov

Səbuhi Məmmədov
	Məmmədov Səbuhi Məmməd oğlu
	Səbuhi Məmmədov, 2009.
Doğum tarixi	8 oktyabr 1959 (65 yaş)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Əzim Əzimzadə adına Rəssamlıq məktəbi (1974 – 1978); İ.V.Muxina adına Leninqrad Ali Boyakarlıq-Sənaye Akademiyası(ru) (1982 – 1987)
Janrı	yağlı boya

Səbuhi Məmmədov (Məmmədov Səbuhi Məmməd oğlu; d. 8 oktyabr 1959-cu il, Nuxa, Nuxa rayonu, Azərbaycan SSR, SSRİ) – ali təhsilli rəssam, Şəki Şəhər İncəsənət Məktəbində rəssamlıq şöbəsinin müdiri və müəllim (1988-ci ildən), Azərbaycan Rəssamlar İttifaqının üzvü (1997-ci ildən).

Haqqında məlumatlar

1959-cu ildə Nuxada (indiki Şəki) anadan olub.

1974 – 1978-ci illərdə Bakıda Əzim Əzimzadə adına Rəssamlıq məktəbində,

1982 – 1987-ci illərdə isə Leninqradda V.İ.Muxina adına Ali Boyakarlıq-Sənaye məktəbinin (A.L.Ştiqlis adına Sankt-Peterburq Boyakarlıq-Sənaye Akademiyası) qrafika fakültəsində təhsil alıb.

1988-ci ildən Şəki Şəhər Uşaq İncəsənət Məktəbində rəssamlıq şöbəsinin müdiri və müəllim vəzifəsində işləyir.

Respublika və Beynəlxalq sərgilərdə iştirak edib. İşləri müxtəlif ölkələrdə şəxsi kolleksiyalarda saxlanılır.

2009-cu ildə Şəki şəhərində fərdi sərgisi təşkil olunub.

1988-ci ildən SSRİ Gənc Rəssamlar Birliyinin, 1997-ci ildən isə Azərbaycan Rəssamlar İttifaqının üzvüdür.