Azər Rəşidov

Azər Rəşidov
	Azər Rəşidov
	Ehtibar Kərimov, 2013
Doğum tarixi	22 oktyabr 1957 (66 yaş)
Doğum yeri	SSRİ; Azərbaycan SSR, Nuxa
Vətəndaşlıq	SSRİ→ Azərbaycan
Elmi dərəcəsi	tibb elmləri namizədi
Təhsili	İ. M. Seçenov adına Birinci Moskva Dövlət Tibb Universiteti ( 1983 – 1988)

Azər Rəşidov − azərbaycanlı həkim, tibb elmləri namizədi, Səudiyyə Ərəbistanının Məkkə şəhərindəki Kral Əbdüləziz xəstəxanasının infeksion nəzarət şöbəsinin müdiri.

Haqqında məlumatlar

1957-ci ildə Nuxa şəhərində anadan olub.

1961-ci ildə ailəsi Bakıya köçüb.

1975-ci ildə Bakıda orta məktəbi bitirib.

1975 – 1981-ci illərdə Nəriman Nərimanov Azərbaycan Dövlət Tibb İnstitutunun sanitar-gigiyena fakültəsində təhsil alıb.

1981-ci ildə təyinatla Qızlar şəhərinə (RSFSR, Dağıstan MSSR) işləməyə göndərilib.

1981 – 1984-cü illərdə Dağıstan MSSR Səhiyyə Nazirliyinin Epidemiologiya və Gigiyena Mərkəzidə epidemiologiya şöbəsinin müdiri vəzifəsində işləyib.

1984-cü ilin oktyabrından 1988-ci ilin sentyabrınadək Tropik Tibb və Tibbi Parazitologiya Elmi-Tədqiqat İnstitunun bağırsaq çöpü infeksiyası laboratoriyasında kiçik elmi işçi olub.

1988 – 1992-ci illərdə epidemiologiya ixtisası üzrə İ. M. Seçenov adına 1-ci Moskva Dövlət Tibb İnstitunun epidemiologiya kafedrasının aspiranturasında təhsil alıb.

1992-ci ildə Moskvadakı N. F. Qamaleya adına Epidemiologiya və Mikrobiologiya Elmi-Tədqiqat İnstitunda namizədlik dissertasiyasını müvəffəqiyyətlə müdafiə edib.

1992-ci ilin yanvarından 1998-ci ilin yanvarınadək Bakıdakı Tibbi Profilaktika Elmi_Tədqiqat İnstitunun Bağırsaq çöpləri infeksiyası laboratoriyasının müdiri vəzifəsində işləyib. Eyni zamanda Bakıdakı Xəzər Universitetinin mikrobiologiya, epidemiologiya və infeksion xəstəliklər kafedrasında (1993 – 1995) və Bakıdakı Müstəqil Azərbaycan Universitetinin mikrobiologiya, epidemiologiya və infeksion xəstəliklər kafedrasında (1998 – 2000) dosent vəzifəsini tutub.

Qrant əsasında 3 ay ABŞ-da (Klivlend şəhəri), Avstryada və Macarıstanda işləyib.

2000-ci ildən əmək fəaliyyətini Səudiyyə Ərəbistanının Məkkə şəhərində davam etdirir. Səudiyyə Ərəbistanının Məkkə şəhərindəki Kral Əbdüləziz xəstəxanasının infeksion nəzarət şöbəsinin müdiridir (2020).

30-dan çox elmi məqaləsi, bağırsaq çöpləri infeksiyası və hepatit virusu mövzusunda həkimlər üçün 3 metodik tövsiyyəsi çap olunub. Azərbaycanda və bir çox ölkələrdə elmi simpozium və konfranslarda məruzələrlə çıxış edib.

Azərbaycanca, rusca və ingiliscə sərbəst danışır.