Səyyarə Rəşidova

Səyyarə Rəşidova
	Rəşidova Səyyarə İsmayıl qızı
	Səyyarə Rəşidova.
Anadan olub	1923
Anadan olduğu yer	Nuxa (indiki Şəki), Nuxa qəzası, Azərbaycan SSR, ZSFSR
Vəfat edib	30 noyabr 1996 (73 yaşında)
Vəfat etdiyi yer	Bakı, Azərbaycan
Təhsili	Nuxa Pedaqoji Texnikumu (–1941) Dadaş Bünyadzadə adına Azərbaycan Xalq Təsərrüfatı İnstitutu (1964–)

Səyyarə Rəşidova (1923–1996) — Böyük Vətən müharibəsi illərində və müharibədən sonrakı onilliklərdə Nuxada məsul vəzifələrdə çalışmış qadın kadr; Nuxa radio verilişləri müvəkkili, Nuxa rayon partiya komitəsində təbliğat-təşviqat şöbəsinin (rus.: организационно-инструкторский отдел) müdiri və s. vəzifələrdə işləmişdir. Daha sonra Bakıya köçmüş, Bakı şəhər sovetində, Azərbaycan SSR Kənd Təsərrüfatı Nazirliyində müxtəlif məsul vəzifələrdə çalışmışdır.

Haqqında məlumatlar

1923-cü ildə Nuxada (indiki Şəki) anadan olub.

Təhsili

1941-ci ildə Nuxa Pedaqoji Texnikumunu bitirib.

1964-cü ildə Dadaş Bünyadzadə adına Azərbaycan Xalq Təsərrüfatı İnstitutuna daxil olub.

Əmək fəaliyyəti

1942 – 1945-ci illərdə Nuxa radio verilişləri müvəkkili,

1950 – 1956-cı illərdə Nuxa rayon partiya komitəsində təbliğat-təşviqat şöbəsinin (rus.: организационно-инструкторский отдел) müdiri vəzifəsində işləyib.

1956–cı ildə Nuxa şəhər partiya komitəsi bürosunun qərarı ilə Kirov adına artelə işə keçirilib.

1964-cü ildə Bakı şəhər sovetində instruktor vəzifəsinə təyin olunub.

1965 – 1969-cu illərdə Azərbaycan SSR Plan Komitəsi nəzdindəki İqtisadiyyat Elmi-Tədqiqat İnstitutunun əmək və həyat səviyyəsi şöbəsində iqtisadçı,

1969 – 1970-ci illərdə “Tərəvəz konservləri” (rus.: Консервплодовощ) baş idarəsində baş iqtisadçı,

1970 – 1971-ci illərdə “Sovxoztikinti” (rus.: Совхозстрой) ümumi tikinti trestində maliyyə şöbəsinin müdiri,

1971 – 1973-cü illərdə isə iqtisadi analiz laboratoriyasının müdiri,

1973 – 1990-cı illərdə isə müxtəlif müəsssisə və təşkilatlarda baş iqtisadçı vəzifəsində çaışıb.

Vəfatı

30 noyabr 1996-cı il tarixdə – 73 yaşında, Bakıda vəfat edib. Bakı şəhərində dəfn olunub.

Bildiriş