Asim Abbasov
Asim Abbasov | |
---|---|
Abbasov Asim Bəşarət oğlu | |
Asim Abbasov | |
Asim Abbasov, 2018-ci il. | |
Doğum tarixi | 24 may 1986 |
Doğum yeri |
Aşağı Göynük, Şəki rayonu, ![]() ![]() |
Vətəndaşlığı |
![]() ![]() |
Təhsili | Azərbaycan Dövlət Mədəniyyət və İncəsənət Universiteti (bakalaviat, 2004–2008; magistratura, 2010–2013) |
Asim Abbasov — peşəkar rəssam, Şəki “ABAD” Keramika və Tətbiqi Sənət Mərkəzinin rəssam-keramisti.
Haqqında məlumatlar
24 may 1986-cı il tarixdə Şəki rayonunun Aşağı Göynük kəndində anadan olub.
Təhsili
1992 – 1998-ci illərdə Şəki şəhər 9 saylı orta məktəbində,
1998 – 2003-cü illərdə Şəki şəhər Fizika-Riyaziyyat və Humanitar təmayüllü liseyində təhsil alıb.
1999 – 2003-cü illərdə Fuad Əbdürəhmanov adına 1 saylı Şəki Uşaq İncəsənət Məktəbində rəssamlığın sirlərini öyrənib.
2004 – 2008-ci illərdə Azərbaycan Dövlət Mədəniyyət və İncəsənət Universitetində bakalavr,
2010 – 2013 illərdə isə magistr təhsili alıb.
Yaradıcılığı
2000-ci ildə Şəki Dövlət Rəsm Qalereyasında Novruz bayramı münasibətilə təşkil olunmuş sərginin uşaqlar üzrə nominasiyasında üçüncü yerə layiq görülüb.
Azərbaycanda təşkil olunmuş bir sıra incəsənət sərgilərində və festivallarda iştirak edib və fərqlənmə diplomları alıb.
Əl işləri dünyanın bir çox ölkələrində şəxsi kolleksiyalarda saxlanılır.
Həm də divar üzərində dizayn işləri ilə məşğul olur.
2018-ci ildən Şəki “ABAD” Keramika və Tətbiqi Sənət Mərkəzində rəssam-keramist kimi fəaliyyət göstərir.
İctimai fəaliyyəti
Şəki sənətkarlarını və proqressiv gəncliyi bir çətir altında toplama ambisiyasını özündə birləşdirən ArtClub Kafe – Emalatxana konseptinin Zaur Əhmədovla birgə həmtəsisçisidir.