Telman Muxtarlı

Telman Muxtarlı
	Muxtarlı (Muxtarov) Telman Ziya oğlu
	Telman Muxtarlıya fəxri fərman təqdim edilərkən, 2009-cu il.
Şəxsi məlumatlar
Doğum tarixi	27 fevral 1951
Doğum yeri	Nuxa, Nuxa rayonu, Azərbaycan SSR, SSRİ
Vəfat tarixi	26 aprel 2010 (59 yaşında)
Vəfat yeri	Şəki, Azərbaycan
Həyat yoldaşı	Elmira Ramiz qızı Xəlifəzadə
Təhsili	Şəki Musiqi Texnikumunu (tar ixtisası üzrə) Azərbaycan İnşaat Mühəmdisləri Universiteti, memarlıq fakültəsi

Telman Muxtarlı (1951–2010) — tanınmış musiqiçi, aranjemançı, Şəkinin “Zirvə” vokal-instrumental ansamblının rəhbəri.

Haqqında məlumatlar

27 fevral 1951-ci il tarixdə Nuxada anadan olub.

Təhsili

Şəki Musiqi Texnikumunu (tar ixtisası üzrə) bitirib.

Daha sonra Azərbaycan İnşaat Mühəmdisləri Universitetnin memarlıq fakültəsində təhsil alıb.

Yaradıcı fəaliyyəti

1971 – 2010-cu illərdə Şəkinin “Zirvə” vokal-instrumental ansamblının rəhbəri olub. Onun rəhbərliyinin ilk dövrlərində ansambl tez-tez Şəkidə və ətraf rayonlarda konsert proqramları ilə çıxış etmişdir; o cümlədən,

1978-ci ildə Moskva şəhərində Xalq Təsərrüfatı Nailiyyətləri Sərgisində keçirilən Ümumittifaq Festivalında qızıl medala layiq görülmüş,

1979-cu ildə Azərbaycan Televiziyasının “Gənclik estradası” yarışmasının qaliblərindən biri olmuşdur.

Sonrakı illərdə Rusiyanın Taqanroq şəhərində və Tümen vilayətində, həmçinin, Türkiyədə keçirilən festivallarda və digər tədbirlərdə də konsert proqramları ilə çıxışları olub.

Vəfatı

26 aprel 2010-cu il tarixdə – 59 yaşında, Şəkidə vəfat edib.

Şablon:Yaxşı məqalə