Ülkər Hüseynova
| Ülkər Hüseynova | |
|---|---|
| Hüseynova Ülkər İbrahim qızı | |
 | |
| Doğum tarixi | 24 aprel 1937 |
| Doğum yeri |
Nuxa, .svg){kind=small} Azərbaycan SSR,  SSRİ |
| Vətəndaşlıq |
SSRİ→ SSRİ |
| Təhsili | S.M.Kirov adına Azərbaycan Dövlət Universiteti, filologiya fakültəsi (1955–) |
| Həyat yoldaşı | Şirməmməd Hüseynov |
| Evladları | Lalə Hüseynova, Fərəh Əliyeva |
Ülkər Hüseynova — tanınmış jurnalist və elmi işçi, “Elm və həyat” jurnalının redaktor müavini və AMEA Nizami Gəncəvi adına Ədəbiyyat İnstitutun baş mütəxəssisi.
Haqqında məlumatlar
24 aprel 1937-ci il tarixdə Nuxada anadan olub.
Təhsili
1955-ci ildə Bakı şəhər 132 saylı məktəbi gümüş medalla bitirib.
1955 – 1960-cı illərdə Azərbaycan Dövlət Universitetinin əvvəl filologiya fakültəsinə, sonra isə jurnalistika şöbəsində təhsil alıb.
Əmək fəaliyyəti
1966-cı ildən “Elm və həyat” jurnalında işləyir; o cümlədən,
1966–1993-cü illərdə şöbə müdiri,
1993 – 1995-ci illərdə baş redaktorun müavini,
1995 – 1997-ci illərdə baş redaktor olmuş,
1997-ci ildən sonra isə redaktor müavini vəzifəsində çalışır.
2013-cü ildən AMEA Nizami Gəncəvi adına Ədəbiyyat İnstitutunda baş mütəxəssisdir.
Digər fəaliyyəti
1999-cu ildə Açıq Cəmiyyət İnstitutu ilə Rusiya Federasiyası Təhsil Nazirliyinin birgə layihəsi əsasında hazırlanan yeni nəsil üçün tədris ədəbiyyatı olan A.A.Zakin üçcildlik «6, 7, 8, 9 yaşlı uşaqların intellekt qabiliyyətinin inkişaf etdirilməsi» kitabın tərcüməçi və redaktorlarından biri və “Rusca-Azərbaycanca-ingiliscə sənaye-kimya lüğəti”nin redaksiya-nəşriyyat qrupunun üzvü olub.
2004-cü ildə 17 çap vərəqi həcmində “Elm və həyatın işığında” adlı kitabı çap olunub; kitabda 45 il ərzində çap olunmuş yüzlərlə müxtəlif janrlı elmi-publisistik məqalələrinin bir qismi, o cümlədən, tanınmış elm adamları, Azərbaycan səhiyyəsinin görkəmli xadimləri ilə müsahibələri və s. mövzularda yazıları yer alıb.
2004-cü ildə çap olunmuş «Heydər Əliyev və Azərbaycanın kimya sənayesi» adlı kitabın,
2006-cı ildə çap olunmuş Lütfi Zadənin həyat yoldaşı Fey Zadənin “Qeyri-səlis məntiqin atası ilə həyatım və səyahətlərim” adlı kitabın ruscadan azərbaycancaya tərcüməçisidir.
2008-ci ildə isə özünün təhsil aldığı 132 saylı orta məktəbin 300-ə qədər məzununun həyat və fəaliyyətini əks etdirən “Mənim fəxrim – məktəbi”m adlı kitabı çap olunub.
Təltif və mükafatları
- «Vətən» Mediya Diplomuna (1993);
- Azərbaycan Jurnalistlər Birliyinin Zərdabi Diplomu (2001, 2011);
- Azərbaycan KİV işçiləri Həmkarlar İttifaqının «Qızıl qələm» mükafatı (1995, 2001);
- AMEA-nın Fəxri Fərmanı (2010).
Ədəbiyyat
- Məmmədov Ə., Xalıqov F. Hüseynova Ülkər // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 175 – 176. — 600 nüsx. — ISBN 5-8066-1708-4.
- Xəlilzadə F. Ucalığa qovuşan illər (azərb.) // Azərbaycan : qəzet. — Bakı: Azərbaycan, 2011. — В. 22 iyul. — Səh. 6. Arxivləşdirilib; arxivləşdirmə tarixi: 5 Mar 2016 - 15 Mar 2018.
- Abasov C. Görkəmli jurnalist Ülkər Hüseynovanın 80 illiyi qeyd olundu (azərb.) // Azərbaycan : qəzet. — Bakı: Azərbaycan, 2017. — В. 19 aprel. — Səh. 4. Arxivləşdirilib; arxivləşdirmə tarixi: 23 aprel 2021.