Məmmədsani Məmmədov

Məmmədsani Məmmədov
Məmmədov Məmmədsani Mustafa oğlu
Məmmədsani Məmmədov, 1970-ci il.
Doğum tarixi	may 1905(1905-05-00)
Doğum yeri	Ağdaş, Ərəş qəzası, Bakı quberniyası, Rusiya İmperiyası
Vəfat tarixi	5 dekabr 1984 (79 yaşında)
Vəfat yeri	Şəki, Azərbaycan SSR, SSRİ
Həyat yoldaşı	Səkinə Məmmədova
Uşaqları	Salis, Rəna, Xamis, Ülfan, Ramiz, Zöhrə
Təhsili	Mərkəzi Sovet Partiya Məktəbi (1918 – 1921) Zaqafqaziya Kommunist Universiteti (Tiflis, 1924 – 1921)
Mükafatları

Məmmədsani Məmmədov (1905 – 1984) — tanınmış jurnalist, “Nuxa fəhləsi” qəzetinin ilk redaktorlarından biri, “Bakinski raboçi” qəzetinin uzun müddət Şəkidəki xüsusi müxbiri olmuş şəxs. 1930-cu ilin aprel ayında Azərbaycan SSR-in şimal-qərb bölgəsində baş vermiş anti-sovet üsyanı zamanı Nuxa şəhərində sövet hökumətinin sonuncu dayaq məntəqəsinin – poçt binasının, müdafiəçilərindən biri olub. Azərbaycan Respublikasının əməkdar jurnalisti Salis Məmmədovun atası, Azərbaycan Respublikası ədliyyə nazirinin müavini Toğrul Musayevin isə dayısıdır.

Haqqında məlumatlar

1905-ci ilin may ayında Ağdaşda – 1902-ci il Şamaxı zəlzələsindən sonra Ağdaşa köçmüş ailədə anadan olub.

Təhsili

1913 – 1918-ci illərdə ibtidai məktəbdə (Ağdaş),

1918 – 1921-ci illərdə II dərəcəli məktəbdə (cəmi 3 sinif, Ağdaş),

1922 – 1921-ci illərdə Mərkəzi Sovet Partiya Məktəbində (Bakı),

1924 – 1921-ci illərdə Zaqafqaziya Kommunist Universitetində (Tiflis) təhsil alıb.

Əmək fəaliyyəti

Oktyabr, 1920-ci il — sentyabr, 1922-ci il tarixləri arasında Ağdaş qəza milis idarəsində kargüzar,

iyul — oktyabr, 1928-ci il tarixləri arasında Nuxa Pedaqoji Məktəbində müəllim və direktor,

noyabr, 1928-ci il — fevral, 1935-ci il tarixləri arasında “Nuxa fəhləsi” qəzetinin redaktoru,

mart — iyul, 1935-ci ilin il tarixləri arasında Azərbaycan KP Nuxa şəhər partiya komitəsində inspektor,

iyul — dekabr, 1935-ci il tarixləri arasında IMZO (rus.: ИМЗО) rayon təşkilatçısı,

yanvar — aprel, 1936-cı il tarixləri arasında kurs direktoru,

aprel — dekabr, 1936-cı il tarixləri arasında Nuxa Lenin adına İpək Kombinatı nəzdində tədris-kurs kombinatının direktoru,

dekabr, 1937-ci il — iyul, 1938-ci il tarixləri arasında M.Ə.Sabir adına Nuxa Dövlət Dram Teatrının direktoru,

avqust, 1938-ci il — yanvar, 1940-ci il tarixləri arasında Nuxa Şəhər İcraiyyə Komitəsində katib,

avqust, 1938-ci il — 1940-ci il tarixləri arasında “Bakinski raboçi” qəzetinin xüsusi müxbiri,

sentyabr, 1940-cı il — fevral, 1941-ci il tarixləri arasında Az.TA-nın (Azərbaycan Teleqraf Agentliyinin) səyahət müxbiri (rus.: разъездной корреспондент),

mart, 1941-ci il — iyun, 1941-ci il tarixləri arasında Az.TA-nın redaktoru,

iyun, 1941-ci il — oktyabr, 1941-ci il tarixləri arasında İranda yerləşmiş Sovet Ordusunun 20-ci diviziyasında tərcüməçi,

oktyabr, 1941-ci il — iyun, 1942-ci il tarixləri arasında Sovet Ordusunun 392-ci atıcı diviziyasının 7-ci bölməsində ştab rəisi olub.

1942-ci ilin iyun ayında Şimali Qafqazda yaralanıb,

iyun, 1942-ci il — dekabr, 1942-ci il tarixləri arasında hospitalda müalicə olunub.

Oktyabr, 1943-cü il — dekabr 1945-ci il tarixləri arasında Znamenka şəhərində (Kirovqrad vilayəti, Ukrayna SSR) rayon hərbi komissarlığının II hissə rəisi,

may, 1946-cı il — iyul, 1960-cı tarixləri arasında “Bakinski raboçi” qəzetinin xüsusi müxbiri,

mart, 1961-ci il — aprel, 1968-ci il tarixləri arasında Nuxa/Şəki İstirahət Evinin direktoru,

dekabr, 1967-ci il — iyul, 1975-ci il tarixləri arasında, “Bakinski raboçi” qəzetinin xüsusi müxbiri vəzifəsində çalışıb.

Təqaüddə

1975-ci ildə təqaüdə çıxıb.

1984-cü ildən respublika əhəmiyyətli pensiya alıb.

İctimai-siyasi fəaliyyəti

1920-ci ildən komsomol sıralarına qatılıb.

1932-ci ildən kommunist partiyasının üzvü olub.

1930 – 1934-cü illərdə Nuxa şəhər sovetinin plenum üzvü,

1932 – 1935-ci illərdə Azərbaycan KP Nuxa şəhər komitəsinin üzvü,

1939 – 1950-ci illərdə Nuxa şəhər sovetinin deputatı olub.

Təltif və mükafatları

• “Qafqazın müdafiəsinə görə” medalı (1944);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (1945);
• “Döyüş xidmətlərinə görə” medalı (1946);
• Lenin yubiley medalı (1970);
• “1941-1945-ci illər Böyük Vətən müharibəsində qələbənin 20 illiyi” yubiley medalı (1965);
• Azərbaycan SSR Ali Sovetinin Fəxri fərmanı (1971);
• “1941-1945-ci illər Böyük Vətən müharibəsində qələbənin 30 illiyi” yubiley medalı (1975);

Vəfatı

5 dekabr 1984-cü il tarixdə – 79 yaşında, Şəkidə vəfat edib.

Ədəbiyyat

1. Мамедов Мамедсани Мустафа оглы (Личний листок по учету кадров).
2. Məmmədsani Mustafa oğlu Nəbiyev (nekroloq) (azərb.) // “Şəki fəhləsi” : qəzet / Nizami Nəbiyev. — Şəki: Şəki mətbəəsi, 1984. —8 dekabr  c. — № 146 (9734). — Səh. 4.
3. Mete Ə. Şəki qəzetləri və qəzetçiləri // O torpağın övladları. — Bakı: Nurlan, 2006. — Səhifələrin sayı:  608. — Səh.: 373 – 374. — 500 nüsx.