Zəkəriyyə Əlizadə

Zəkəriyyə Əlizadə
	Əlizadə Zəkəriyyə Mabud oğlu
	Zəkəriyyə Əlizadə
Doğum tarixi	2 fevral 1936
Doğum yeri	SSRİ; Azərbaycan SSR, Şəki
Vəfat tarixi	23 noyabr 2016 (80 yaşında)
Vətəndaşlıq	SSRİ→ Azərbaycan
Elm sahəsi	Geologiya
İş yeri	AMEA Şəki Regional Elmi Mərkəzinin direktoru (1972 – 2014)
Elmi dərəcəsi	geologiya-mineralogiya elmləri doktoru
Mükafatları

Zəkəriyyə Əlizadə (1936 – 2016) — geologiya-mineralogiya elmləri doktoru, AMEA Şəki Regional Elmi Mərkəzinin aparıcı elmi işçisi. Uzun müddət həmin mərkəzin direktoru vəzifəsində çalışmışdır.

Haqqında daha ətraflı

2 fevral 1936-cı il tarixdə Nuxada anadan olub.

1953-cü ildə Nuxa şəhər 10 №-li orta məktəbi bitirib.

1953 – 1958-ci illərdə Azərbaycan Sənaye İnstitutunun geoloji kəşfiyyat fakültəsində,

1962 – 1964-cü illərdə isə Azərbaycan SSR EA Geologiya İnstitutun aspiranturasında təhsil alıb.

Əmək fəaliyyəti

1958-ci ildə Artyom neft mədənləri idarəsində operator,

1959 – 1972-ci illərdə Azərbaycan SSR EA Geologiya İnstitutunda əvvəl baş laborant, sonra kiçik elmi işçi, 1970-ci ildən isə böyük elmi işçi vəzifəsində çalışıb.

1972 – 1995-ci illərdə Azərbaycan SSR EA/Azərbaycan MEA Fizika İnstitutu nəzdində fəaliyyət göstərən Şəki zona elmi bazasının,

1995 – 2014-cü illərdə isə Azərbaycan MEA Şəki Regional Elmi Mərkəzinin direktoru olub.

2014 – 2016-cı illərdə əmək fəaliyyətini Azərbaycan MEA Şəki Regional Elmi Mərkəzində aparıcı elmi işçi kimi davam etdirib.

Pedaqoji fəaliyyəti

1993 – 1999 illərdə Bakı Dövlət Universitetinin Şəki filialında diyarşünaslığın əsasları və təbiətşünaslıq fənnindən dərs deyib.

Elmi fəaliyyəti

1966-cı ildə namizədlik,

1990-cı ildə isə doktorluq dissertasiyasını müdafiə edib.

Elmi tədqiqatlarının sahəsi çökmə süxurların geokimyası ilə əlaqədardır. 80-dәn çox elmi məqalənin, o cümlədən 8 kitabın müəllifidir. Elmi kadrların hazırlanmasında xidməti var. 8 aspirant və dissertantın elmi işinə rəhbərlik edib.

İctimai-siyasi fəaliyyəti

Müxtəlif illərdə üç dəfə Şəki şəhər və Şəki rayon sovetinə deputat seçilib.

Mükafatları

“Tərəqqi” medalı, AMEA-nın yaradılmasının 60 illik yubileyi münasibəti ilə (2005).

Vəfatı

23 noyabr 2016-cı il tarixdə 80 yaşında Şəkidə vəfat edib.

İstifadə edilmiş mənbələr

Məmmədov Ə., Xalıqov F. Əlizadə Zəkəriyyə // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 127 – 128. — 1.000 nüsx.
"Azərbaycan elminə ağır itki üz verib". http://www.science.az (azərb.). Azərbaycan Milli Elmlər Akademiyası. 25.11.2016. 1 May 2017 - 2 Jul 2017 tarixində arxivləşdirilib.
ƏLİZADƏ Zәkәriyyә Mәbud oğlu // Azərbaycan Milli Ensiklopediyası : ensiklopediya : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII c. — Səh. ?. — ISBN 978-9952-441-13-0.

Şablon:Yaxşı məqalə