Refik Samet
| Refik Samet | |
|---|---|
| (az.: Rafiq Səmədov) | |
 | |
| Doğum tarixi | 1960 |
| Doğum yeri |
 SSRİ.svg){kind=small} Azərbaycan SSR, Şəki |
| Vətəndaşlıq |
SSRİ→ Türkiyə |
| İş yeri | Ankara Universiteti Kompüter Mühəndisliyi kafedrasının mühəndislik fakültəsi |
| Elmi dərəcəsi | professor |
| Təhsili | Kiyev Politexnik Universiteti, Avtomatika və texniki sistemlərin idarə olunması kafedrası (ali və magistr təhsili); Rusiya Milli Elmlər Akademiyasının Vadim Trepeznikov adına Problemlərin İdarəolunması İnstitutu (doktorantura) |
Refik Samet (az.: Rafiq Səmədov) – azərbaycanlı alim, informatika elmləri doktoru. Ankara Universiteti Kompüter Mühəndisliyi kafedrasının mühəndislik fakültəsinin dekanı (2004-cü ildən). Onlarla elmi işin müəllifi, yaxud həmmüəllifi.
Həyat və fəaliyyəti
- 1960-ci ildə Şəkidə anadan olub. Orta təhsilini 1967-1977-ci illərdə Şəkidə, ali təhsilini isə 1977-1983-cü illərdə Kiyev Politexnik Universitetində alıb.
- 1983-1986-cı illərdə Azərbaycan SSR Dövlət Kosmik Tədqiqatlar Komitəsinin Təbii Sərvətlərin Kosmik Tədqiqatı İnstitutunda işləyib.
- 1986-1992-cı illərdə Moskvada, Rusiya Milli Elmlər Akademiyasının Vadim Trepeznikov adına Problemlərin İdarəolunması İnstitutunun aspirantı olub.
- 1992-1996-cı illərdə Azərbaycan Milli Elmlər Akademiyasının Kosmik Tədqiqatlar İnstitutunda işləyib.
- 1997-2004-cü illərdə Türkiyənin Dənizli şəhərindəki Pamuqqala Universiteti Mühəndislik Fakültəsinin Elektrotexnika mühəndisliyi bölməsində işləyib.
- 2004-cü ildən isə Ankara Universiteti Kompüter Mühəndisliyi kafedrasının mühəndislik fakültəsinin dekanıdır.
Ana dilindən başqa həm də rus, ukrayna, türk və ingilis dillərində sərbəst danışır.