Məhyəddin Abbasov

Məhyəddin Abbasov
	Abbasov Məhyəddin Paşa oğlu
	Məhyəddin Abbasov
Anadan olub	10 fevral 1910
Anadan olduğu yer	Nuxa, Nuxa qəzası, Yelizavetpol quberniyası, Rusiya İmperiyası
Vəfat edib	28 dekabr 1974 (64 yaşında)
Vəfat etdiyi yer	SSRİ; Azərbaycan SSR, Şəki
Uşaqları	Nizami Abbasov, İlham Abbasov, İftixar Abbasov, Bakıxan Abbasov, Elxan Abbasov
Atası	Paşa Abbasov
Vətəndaşlıq	SSRİ
İxtisası	jurnalist, pedaqoq
Təhsili	Azərbaycan Pedaqoji İnstitutu (1927 –)
Mükafatları	; , ,

Məhyəddin Abbasov (Abbasov Məhyəddin Paşa oğlu; d. 10 fevral 1910, Nuxa, Nuxa qəzası, Yelizavetpol quberniyası, Rusiya İmperiyası – ö. 28 dekabr 1974, Şəki, Azərbaycan SSR, SSRİ) — 1945 – 1974-cü illərdə “Şəki fəhləsi”/“Nuxa fəhləsi” və “Lenin bayrağı” qəzetinin redaktoru.

Haqqında məlumatlar

1910-cu ildə Nuxa şəhərində fəhlə ailəsində anadan olub.

Kiçik yaşlarından valideynlərini itirib.

Təhsili

1927-ci ildə Azərbaycan Pedaqoji İnstitutuna daxil olub.

Əmək fəaliyyəti

Nuxadakı 1 №-li fabrikdə baramaaçan peşəsində əmək fəaliyyətinə başlayıb.

1928-ci ildən “Şəki fəhləsi” qəzeti redaksiyasında ədəbi işçi, daha sonra məsul katib vəzifəsində çalışıb.

1931-ci ildən, əvvəl Nuxadakı müxtəlif orta məktəblərində, daha sonra isə Nuxa Pedaqoji Texnikumunda müəllim işləyib.

1944-cü ildə “Nuxa fəhləsi” qəzetinin şöbə müdiri, 1945-ci ildə isə redaktoru olub və ömrünün sonuna kimi bu vəzifədə çalışıb.

İkinci iş yeri

1974-cü ilədək Şəki şəhər Maksim Qorki adına 10 №-li orta məktəbdə fizika fənnindən dərs deyib.

Hərbi xidmətdə

Böyük Vətən müharibəsində iştirak etmiş, 1944-cü ildə qəlpə yarasından sol qolunu itirərək I qrup Böyük Vətən müharibəsi əlili kimi ordudan tərxis olunmuşdur.

Digər

Məqalə, oçerk, felyeton və məktubları yerli və respublika mətbuatında «M.Paşa oğlu», «Görən», «Mübariz» imzaları ilə dərc olunub.

Bəxtiyar Vahabzadənin “Gülüstan” poeması da ilk dəfə “Nuxa fəhləsi”ndə — onun redaktorluğu dövründə çap edilib.

Mükafatları

II dərəcəli “Vətən Müharibəsi” ordeni;
“Qırmızı Əmək Bayrağı” ordeni;
Azərbaycan SSR əməkdar mədəniyyət işçisi fəxri adı (1971)^[1].
“Şərəf Nişanı” ordeni;
12 medal.

Vəfatı

28 dekabr 1974-cü il tarixdə – 64 yaşında, Şəkidə vəfat edib. Dəfnindən əvvəl, cənazəsi Şəki şəhər sovetinin iclas zalına qoyulmuş və mərhumla izdihamlı vida mərasimi təşkil olunmuşdur.

İstinadlar

↑ 1971-ci ilin dekabrında “Şəki fəhləsi” qəzetinin 50 ilik yubileyi ilə əlaqədar, qəzet Azərbaycan SSR Ali Sovetinin Fəxri Fərmanı ilə təltif edilmiş, Məhyəddin Abbasova isə Azərbaycan SSR Əməkdar Mədəniyyət işçisi fəxri adı verilmişdir

Xarici keçidlər

Şablon:Yaxşı məqalə

[1] 1971-ci ilin dekabrında “Şəki fəhləsi” qəzetinin 50 ilik yubileyi ilə əlaqədar, qəzet Azərbaycan SSR Ali Sovetinin Fəxri Fərmanı ilə təltif edilmiş, Məhyəddin Abbasova isə Azərbaycan SSR Əməkdar Mədəniyyət işçisi fəxri adı verilmişdir

[1]