Kazım Məmmədov

Kazım Məmmədov
Məmmədov Kazım Adışirin oğlu
Kazım Məmmədov, 2010-cu il
Anadan olub	15 aprel 1951 (1951-04-15)
Anadan olduğu yer	Nuxa, Nuxa rayonu, Azərbaycan SSR, SSRİ
Uşağı	Ramil Məmmədov
Vətəndaşlıq	SSRİ→ Azərbaycan
Təhsili	Çingiz İldırım adına Azərbaycan Politexnik İnstitutu, inşaat fakültəsi ( – 1973)
Mükafatları

Kazım Məmmədov – Azərbaycan sovet partiya və dövlət məmuru; 1989 – 1991-cı illərdə Şəki Şəhər Xalq deputatları Sovetinin sədri olmuş, 1990-cı ildə Azərbaycan SSR Ali Sovetinə deputat seçilmişdir.

Haqqında məlumatlar

15 aprel 1951-ci il tarixdə Nuxada anadan olub.

Təhsili

1973-cü ildə Çingiz İldırım adına Azərbaycan Politexnik İnstitutunun inşaat fakültəsini bitirib.

Əmək fəaliyyəti

1973-cü ildən Şəkidəki 8 nömrəli təmir-tikinti sahəsində mühəndis,

1979-cu ildən isə həmin sahənin rəisi vəzifəsində işləyib.

1980 – 1987-ci illərdə Əhaliyə məişət xidməti istehsalat idarəsinin rəisi olub.

1987-ci ildən Şəki Şəhər Soveti sədrinin müavini,

1989 – 1991-ci illərdə isə Şəki Şəhər Xalq deputatları Sovetinin sədri olub.

İctimai-siyasi fəaliyyəti

1982-ci ildən Sov.İKP-nin üzvü,

1989-cu ildən Azərbaycan KP Şəki Şəhər Partiya Komitəsinin büro üzvü olub.

1990-cı ildə Azərbaycan KP-nın XXXII qurultayına nümayəndə seçilib.

1990-cı ildə 131 nömrəli Şəki şəhər üçüncü seçki dairəsindən Azərbaycan SSR xalq deputatı seçilib.

Təltif və mükafatları

• “Şərəf Nişanı” ordeni.

İstifadə edilmiş əsas mənbə

• Kazım Adışirin oğlu MƏMMƏDOV (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959 – 1960). — Səh. 2.