“Gülüstan” poeması

“Gülüstan” poeması– Bəxtiyar Vahabzadənin 1958-ci ildə yazdığı tarixi poema. İlk dəfə iki hissədən ibarət olmaqla “Nuxa fəhləsi” qəzetinin 23 oktyabr 1960-cı il tarixli 127 (1941) №-sində və 26 oktyabr tarixli 128 (1941)-ci №-sində dərc olunub; “Azərbaycanın birliyi və istiqlaliyyəti uğrunda vuruşan Səttar xan, Şeyx Məhəmməd Xiyabani və Pişəvərinin əziz xatirəsinə” ithaf edildiyi göstərilir; həmçinin, redaksiya adından qeyd olunmuşdur ki,

“Şair Bəxtiyar Vahabzadə Azərbaycan xalqının milli istiqlaliyyət və azadlıq uğrunda mübarizə aparmasından bəhs edən poema üzərində işləyir. Həmin poemanın bir fəsli ilk dəfə olaraq “Nuxa fəhləsi” qəsetində dərc edilir.”