Tofiq Kazımov

Tofiq Kazımov
	Kazımov Tofiq hüseyn oğlu
	Tofiq Kazımov
Doğum tarixi	14 fevral 1947
Doğum yeri	Nuxa, Nuxa rayonu, Azərbaycan SSR, SSRİ
Vəfat tarixi	13 sentyabr 2009 (62 yaşında)
Vəfat yeri	Bakı, Azərbaycan
Təhsili	Ə.Əzimzadə adına Azərbaycan Dövlət Rəssamlıq məktəbi (1961 – ?) Tbilisi Rəssamlıq Akademiyası (1967 – ?)

Tofiq Kazımov (Kazımov Tofiq hüseyn oğlu; d. 14 fevral 1947-ci ildə, Nuxa, Nuxa rayonu, Azərbaycan SSR, SSRİ – ö. 13 sentyabr 2009-cu ildə, Bakı, Azərbaycan Respublikası) – ali təhsilli rəssam, çoxlu sayda qrafika və rəsm əsərlərinin müəllifidir. 80-dən çox kitaba illüstrasiya çəkib. Bir sıra sərgilərdə, o cümlədən beynəlxalq sərgilərdə iştirak etmişdir. Həmçinin, Azərbaycan Dövlət Rəssamlıq Akademiyasının qrafika kafedrasında müəllim işləyib.

Haqqında məlumatlar

14 fevral 1947-ci il tarixdə Nuxada anadan olub.

Təhsili

1961-ci ildə Ə.Əzimzadə adına Azərbaycan Dövlət Rəssamlıq məktəbinə,

1967-ci ildə Tbilisi Rəssamlıq Akademiyasına daxil olub.

Əmək fəaliyyəti

1965-ci ildən Azərbaycan SSR Nəşriyyat, Poliqrafiya və Kitab Ticarəti İşləri üzrə Dövlət Komitəsində baş rəssam işləyib.

1983 – 2007-ci illərdə əvvəl M.Əliyev adına Azərbaycan Dövlət İncəsənət İnstitutunun, sonra isə Azərbaycan Dövlət Rəssamlıq Akademiyasının qrafika kafedrasında müəllim işləyib.

Vəfatı

13 sentyabr 2009-cu il tarixdə, uzun sürən xəstəlikdən sonra Bakıda vəfat edib və Bakıda da dəfn olunub.