Yunis Qarabağlı

Yunis Qarabağlı (1909–1985) — tanınmış teatr xadimi, teatr aktyoru, teatr rəssamı, xanəndə, Sabit Rəhman adına Şəki Dövlət Dram Teatrının butafor sexinin rəhbəri.

Yunis Məmmədov
Məmmədov Yunis Şükür oğlu
Yunis Qarabağlı.
Ləqəbi	Yunis Qarabağlı
Doğum tarixi	8 fevral 1909(1909-02-08)
Doğum yeri	Ağdam, Şuşa qəzası, Yelizavetpol quberniyası, Rusiya İmperiyası
Vəfat tarixi	3 noyabr 1985 (76 yaşında)
Vəfat yeri	Şəki, Azərbaycan SSR, SSRİ
Dəfn yeri	Çöl qəbiristanlığı, Şəki
Vətəndaşlığı	Rusiya İmperiyası→ SSRİ
Həyat yoldaşı	Şövkət
Uşağı	Akif, Asif, Arif, Cingiz, Ruhangiz

Haqqında məlumatlar

8 fevral 1909-cu il tarixdə Ağdamda anadan olub.

Təhsili

Ağdamda ibtidai təhsil alıb.

Əmək və yaradıcılıq fəaliyyəti

Ağdamda baramaaçan fabrikdə işləməklələ yanaşı Ağdam dram dərnəyinin hazırladığı tamaşalarda rol oynayıb.

1931 – 1934-cü illərdə M.Əzizbəyov adına Azərbaycan Dövlət Dram Teatrının,

1934 – 1949-cu illərdə Sabir adına Nuxa Dövlət Dram Teatrının aktyoru olub.

1949 – 1970-ci illərdə V.İ.Lenin adına Nuxa ipək kombinatının mədəniyyət klubunun müdiri,

1970 – 1975-ci illərdə Şəki xalq teatrının rəssamı,

1975-ci ildən Sabit Rəhman adına Şəki Dövlət Dram Teatrının butafor sexinin rəhbəri vəzifəsində çalışıb.

Digər

Cəfər Cabbarlı adına “Azərbaycanfilm” studiyasının istehsal etdiyi “Səbuhi”, “Ögey ana”, “Leyli və Məcnun”, “Dəli Kür”, “Arxadan vurulan zərbə” filmlərində epizodik rollarda çəkilib.

Vəfatı

3 noyabr 1985-ci il tarixdə – 76 yaşında, Şəkidə vəfat edib. Şəkidə Çöl qəbiristanlığında dəfn olunub.

Ədəbiyyat

1. Rəhimli İ. Yunis Qarabağlı // Şəki teatrı. — Bakı: Qanun, 2016. — Səhifələrin sayı:  383. — Səh.: 223-225. — 500 nüsx. — ISBN 978-9952-36-230-5.
2. Təhmirazqızı S. Yunis Məmmədov // Şəkinin musiqi folkloru. — Bakı: Nərgiz, 2016. — Səhifələrin sayı:  144. — Səh.: 129-130. — 500 nüsx.
3. Təhmirazqızı S. Yunis Qarabağlı // Şəkidə ifaçılıq sənəti. — Bakı: Nərgiz, 2016. — Səhifələrin sayı:  224. — Səh.: 73. — 300 nüsx.