Elmira Atayeva

Elmira Atayeva — geologiya-mineralogiya elmləri namizədi, dosent, Azərbaycan Respublikasının əməkdar mədəniyyət işçisi, AMEA Geologiya və Geofizika İnstitutunun Geoloji-Mineraloji Muzey sektorunun rəhbəri.

Elmira Atayeva
Atayeva (Mövlazadə) Elmira Zahid qızı
Elmira Atayeva.
Doğum tarixi	23 avqust 1935 (1935-08-23)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	geologiya
İş yeri	AMEA Geologiya və Geofizika İnstitutu, Geoloji-Mineraloji Muzey sektoru (sektorun rəhbəri)
Elmi dərəcəsi	geologiya-mineralogiya elmləri namizədi
Elmi adı	dosent
Elmi rəhbəri	ak. Q.Ə.Əlizadə
Mükafatları

Haqqında məlumatlar

23 avqust 1935-ci il tarixdə Nuxada (indiki Şəki) anadan olub.

Təhsili

1943 – 1945-cü illərdə Nuxa şəhər 2 №-li orta məktəbində,

1945 – 1953-ci illərdə Bakı şəhər 190 №-li orta məktəbdə,

1953 – 1958-ci illərdə Azərbaycan Sənaye İnstitutunun geoloji-kəşfiyyat fakültəsində,

1961 – 1963-cü illərdə Azərbaycan SSR Elmlər Akademiyası Geologiya İnstitutunun aspiranturasında təhsil alıb.

Elmi fəaliyyəti

1967-ci ildə akademik Q.Ə.Əlizadənin rəhbərliyi altında “Qərbi Azərbaycanın Kür və İori çaylararası sarmat çöküntülərinin stratiqrafiyası və mollyuska faunası” mövzusunda namizədlik dissertasiyasını müdafiə edib.

1990-cı ildə dosent elmi adını alıb.

18-i xaricdə çap olunmaqla 59 elmi məqalənin müəllifidir.

Əmək fəaliyyəti

1958-ci ildə Azərbaycan SSR EA Geologiya İnstitutunda kiçik elmi vəzifəsində işə qəbul edilib. Sonra bu institutda əvvəl elmi işçi, sonra böyük elmi işçi, daha sonra aparıcı elmi işçi və nəhayət, Geoloji-Mineraloji Muzey sektorunun rəhbəri vəzifəsini tutub.

Təltif və mükafatları

• “Azərbaycan Respublikasının əməkdar mədəniyyət işçisi” fəxri adı (2008).

Ədəbiyyat

1. Geologiya və Geofizika İnstitutunun fəlsəfə doktorları : Atayeva Elmira Zahid qızı : [arx. 11.09.2021] // Azərbaycan Milli Elmlər Akademiyası. — Müraciət tarixi: 11.09.2021.
2. Məmmədov Ə., Xalıqov F. Atayeva Elmira // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 44-47. — 1.000 nüsx.
3. Azərbaycan Milli Elmlər Akademiyasının Geologiya İnstitutunun əməkdaşlarına fəxri adların verilməsi haqqında Azərbaycan Res­publikası Prezidentinin Sərəncamı // Xalq qəzeti : qəzet. — 2008. — В. 19 mart. — Səh. 2. Arxivləşdirilib; arxivləşdirmə tarixi: 9 Nov 2018 - 6 Feb 2020.