Əbdürrəhim Hacızadə

Əbdürrəhim Hacızadə (1920–1991) — coğrafiya elmləri doktoru, professor; uzun müddət S.M.Kirov adına Azərbaycan Dövlət Universitetinin iqtisadi coğrafiya kafedrasının müdiri vəzifəsində çalışmışdır. Görkəmli dövlət xadimi, Azərbaycan KP MK-nın ideoloji işlər üzrə katibi olmuş Nazim Hacıyevin (1924–1962) qardaşı, Azərbaycan Respublikası baş nazirinin sabiq müavini və Azərbaycanın Rusiya Federasiyasındakı sabiq səlahiyyətli nümayəndəsi Hikmət Hacızadənin (1954–2020) isə atasıdır.

Əbdürrəhim Hacızadə
Hacızadə Əbdürrəhim Məmmədiyyə oğlu
Əbdürrəhim Hacızadə.
Doğum tarixi	10 fevral 1920(1920-02-10)
Doğum yeri	Nuxa (indiki Şəki), Şəki qəzası, Azərbaycan Cümhuriyyəti
Vəfat tarixi	3 oktyabr 1991 (71 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elm sahəsi	coğrafiya
Elmi dərəcəsi	coğrafiya elmləri doktoru
Elmi adı	professor
Təhsili	S.M.Kirov adına Azərbaycan Dövlət universiteti, geologiya-coğrafiya fakültəsi
Evladı	Hikmət Hacızadə və Orxan Hacızadə
Tanınır	“Ağa müəllim” adı ilə
Mükafatları

Haqqında məlumatlar

Əbdürrəhim Hacızadənin hərbi sənadlərindəki gənclik dövrünə aid fotoşəkli.

10 fevral 1920-ci il tarixdə Nuxada (indiki Şəki), müəllim ailəsində anadan olub.

Təhsili

Nuxada orta təhsil alıb.

S.M.Kirov adına Azərbaycan Dövlət Universitetinin geologiya-coğrafiya fakültəsini bitirib.

Hərbi xidmətdə

1941-ci ilin iyul ayında orduya çağırılıb. Böyük Vətən müharibəsi iştirakçısıdır.

23 noyabr 1946-cı il tarixdə ordudan tərxis edilib.

Elmi fəaliyyəti

1950-ci ildə «Kəlbəcər-Laçın iqtisadi rayonunun iqtisadi-coğrafi səciyyəsi» mövzusunda namizədlik dissertasiyasını,

1971-ci ildə isə «Azərbaycanın sənaye kompleksi: onun inkişafı və ərazi təşkilinin coğrafi problemləri» mövzusunda doktorluq dissertasiyasını müdafiə edib.

1959-cu ildə dosent,

1973-cü ildə isə professor elmi adını alıb.

190-dan çox elmi əsərin müəllifidir. 14 elmlər namizədinin elmi rəhbəri olub.

Əmək fəaliyyəti

1960 – 1989-cu illərdə S.M.Kirov adına Azərbaycan Dövlət Universitetinin iqtisadi coğrafiya kafedrasının müdiri olub.

Təltif və mükafatları

• “Qafqazın müdafiəsinə görə” medalı (04.02.1945);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (09.05.1945).

Vəfatı

3 oktyabr 1991-ci il tarixdə – 71 yaşında, Bakıda vəfat edib.

Ədəbiyyat

1. Гаджи-Заде Абдурахим Мамедия-оглы : [arx. 01.10.2021] : [rus.] // Память народа. — Müraciət tarixi: 01.10.2021.
2. Həsənov T., Hacızadə Ə. Coğrafiya tarixi. — Bakı Universitetinin Nəşriyyatı, 2001. — Səh.: 82 – 83. Arxivləşdirilib; arxivləşdirmə tarixi: 30 Aug 2017 - 26 Nov 2019.
3. Məmmədov Ə., Xalıqov F. Hacızadə Əbdürrəhim // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 208-209. — 1.000 nüsx.