Şahnaz Qəhrəmanova

Şahnaz Qəhrəmanova — kimya üzrə fəlsəfə doktoru, dosent, AMEA Akademik Murtuza Nağıyev adına Kataliz və Qeyri-üzvi Kimya İnstitutunun böyük elmi işçisi.

Şahnaz Qəhrəmanova
Qəhrəmanova Şahnaz İsmayıl qızı
Şahnaz Qəhrəmanova.
Doğum tarixi	27 mart 1972 (1972-03-27)
Doğum yeri	Baş Göynük, Şəki rayonu, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA Akademik Murtuza Nağıyev adına Kataliz və Qeyri-üzvi Kimya İnstitutu (böyük elmi işçi)
Elmi dərəcəsi	kimya üzrə fəlsəfə doktoru
Elmi adı	dosent
Təhsili	M.Ə.Rəsulzadə adına Bakı Dövlət Universiteti (1992–1997)

Haqqında məlumatlar

27 mart 1972-ci il tarixdə Şəki rayonunun Baş Göynük kəndində anadan olub.

Təhsili

1979 – 1989-cu illərdə Baş Göynük kənd orta məktəbində,

1992 – 1997-ci illərdə M.Ə.Rəsulzadə adına Bakı Dövlət Universitetinin kimya fakültəsində təhsil alıb.

Elmi fəaliyyəti

2017-ci ildə kimya üzrə fəlsəfə doktoru dissertasiyasını müdafiə edib.

2020-ci ildə dosent elmi adını alıb.

Çapdan çıxmış 70 elmi əsərin (50-si xarici ölkədə və 10-u beynəlxalq bazalarda referatlaşdırılan və indeksləşdirilən jurnallarda çap olunmaqla), bir patentin və bir monoqrafiyanın müəllifidir.

“Katalizator-substrat qeyri kovalent qarsılıqlı təsiri hesabına C-C1, C-H və C=O rabitələrinin funksionallaşdırılmasının tədqiqi” adlı doktorluq dissertasiyasının üzərində işləyir.

Əmək fəaliyyəti

1997 – 2005-ci illərdə AMEA Qeyri-Üzvi və Fiziki Kimya İnstitutunda böyük laborant vəzifəsində işləyib.

2005 – 2009-cu illərdə AMEA Kimya Problemləri İnstitutunda kiçik elmi işçi,

2009 – 2017-ci illərdə elmi işçi vəzifəsində çalışıb.

2017-ci ildən AMEA Akademik Murtuza Nağıyev adına Kataliz və Qeyri-üzvi Kimya İnstitutunda böyük elmi işçi vəzifəsində işləyir.

İkinci iş yerləri

2018 – 2021-ci illərdə Bakı Dövlət Universitetində,

2017 – 2018-ci illərdə Azərbaycan Dövlət Pedaqoji Universitetində dərs deyib.

Ailəsi

Ailəlidir, iki övladı var.

Ədəbiyyat

1. "Kataliz və Qeyri-üzvi Kimya İnstitutunun fəlsəfə doktorları/Qəhrəmanova Şahnaz İsmayıl qızı". http://science.gov.az (azərb.). Azərbaycan Milli Elmlər Akademiyası. 6 Jun 2021 tarixində arxivləşdirilib.