İsa Alimov

İsa Alimov (1942–2018) — tanınmış teatr xadimi, Mingəçevir Dövlət Dram Teatrının qurucularından biri, aktyoru və quruluşçu rejissoru.

İsa Alimov
Alimov İsa Heydər oğlu
İsa Alimov.
Doğum tarixi	1 iyul 1942(1942-07-01)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	30 mart 2018 (75 yaşında)
Vətəndaşlığı	SSRİ → Azərbaycan
Təhsili	Mirzağa Əliyev adına Azərbaycan Dövlət İncəsənət İnstitutu, mədəni-maarif fakültəsi, qiyabi şöbə
Teatr	Mingəçevir Dövlət Dram Teatrı
Adının digər versiyaları	İsa Əlimov, Isa Alimov, Isa Elimov, Иса Алимов, Иса Әлимов, Иса Елимов
facebook səhifəsi

Haqqında məlumatlar

1 iyul 1942-ci il tarixdə Nuxada (indiki Şəki) anadan olub.

Təhsili

Nuxada orta məktəbi bitirdikdən sonra Mirzağa Əliyev adına Azərbaycan Dövlət İncəsənət İnstitutunun mədəni-maarif fakültəsinin qiyabi şöbəsində təhsil alıb.

Əmək və teatr fəaliyyəti

Əvvəlcə bir müddət Nuxa/Şəki xalq teatrının,

1969-cu ildən isə Mingəçevir Dövlət Dram Teatrının aktyoru olub. Ömrünün sonuna kimi Mingəçevir teatrında çalışıb, aktyorluqdan teatrın rejissorluğuna qədər yol keçib,

1990-cı illərdə isə bir müddət teatrın direktoru vəzifəsində çalışıb.

Mingəçevir Dövlət Dram Teatrının səhnəsində 16 əsərin rejissoru olub.

Hərbçi fəaliyyəti

Baş leytenant rütbəsi ilə Birinci Qarabağ müharibəsində iştirak edib.

Vəfatı

30 mart 2018-ci il tarixdə – 75 yaşında, uzun sürən xəstəlikdən sonra vəfat edib.

Ədəbiyyat

1. Bürcəliyev A. Nur şəhərinin sönməyən ulduzu : [arx. 06.08.2024] // Xalq qəzeti. — 2024. — 4 avqust. — Müraciət tarixi: 06.08.2024.