Ana səhifə
Təqvimin bu günü — oktyabrın 25-i
Azərbaycan Silahlı Qüvvələrinin giziri İbrahim Məmmədov (1985–2020) 25 oktyabr 1964-cü il tarixdə – 35 yaşında, Laçın rayonunun işğaldan azad edilməsi uğrunda döyüşdə boynundan ağır yaralanaraq qəhrəmancasına həlak olub. O, 9 oktyabr 2020-ci il tarixdə, işğaldan azad olunmuş Hadrut qəsəbəsində ilk dəfə Azərbaycan bayrağı qaldırmış hərbçilərdən biri idi. Daha sonra – 17 oktyabr 2020-ci il tarixdə isə işğaldan azad edilmiş Füzuli şəhərində ilk dəfə Azərbaycanı bayrağını şəxsən özü qaldırmış və bu şəhərin azad olunmasını şəxsən özü Azərbaycan Respublikasının Prezidentinə görüntülü şəkildə məruzə etmişdir.
Şəkil: İbrahim Məmmədov.
Zaman bəy Şeyxəlibəyov
Zaman bəy Şeyxəlibəyov (1838–1904) — XIX əsrin ikinci yarısında Şərqi Türküstanda/Qərbi Çində və Mərkəzi Asiyada fəaliyyət göstərmiş məşhur diplomat, dövlət xadimi və tərcüməçi. 1877-ci ilin ikinci yarsından sonra Rusiya İmperiyasında – Türküstan general-qubernatorunun dəftərxanasında, əvvəl tərcüməçi, sonra baş tərcüməçi vəzifəsində çalışmış, həyatının son illərində Rusiya İmperiyasının dövlət müşaviri(ru) (rus.: статский советник) mülki rütbəsinə malik olmuşdur, hansı ki bu mülki rütbə general-mayor və polkovnik hərbi rütbələri arasındakı şərti hərbi rütbəyə uyğun idi...
Bilirsinizmi?
- 30 sentyabr 2024-cü il tarixdə “Şəki Ensiklopediyası” MMC media subyekti və “Şəki Ensiklopediyası” jurnalı çap mediası Azərbaycan Respublikası Medianın İnkişafı Agentliyinin Media Reyestrinə daxil edilib.
- 4 sentyabr 2024-cü il tarixdə tanınmış həkim-cərrah, uşaq cərrahı, tibb elmləri doktoru, professor, Azərbaycan Respublikasının əməkdar həkimi, Azərbaycan Respublikası Səhiyyə Nazirliyi Mərkəzi Neftçilər Xəstəxanasının əməliyyat və rezidentura şöbəsinin müdiri Rauf Quliyev uzun sürən xəstəlikdən sonra 70 yaşında vəfat edib.
 |
 |
 |
- 1 sentyabr 2024-ci il tarixdə keçirilmiş VII çağırış Azərbaycan Respublikası Milli Məclisinə seçkilərdə 113 saylı Qax-Şəki Seçki Dairəsindən Əli Məsimli, 114 saylı Şəki Şəhər Seçki Dairəsindən Vüqar İskəndərov və 115 saylı Şəki Kənd Seçki Dairəsindən Cavanşir Feyziyev deputat seçiliblər.
 |
 |
- 1 sentyabr 2024-ci il tarixdə keçirilmiş VII çağırış Azərbaycan Respublikası Milli Məclisinə seçkilərdə 116 saylı Qəbələ Seçki Dairəsindən Elşən Musayev və 117 saylı Oğuz-Qəbələ-Şəki Seçki Dairəsindən Eyvaz Qurbanov deputat seçiliblər.
- 31 avqust 2024-cü il tarixdə Qara-Qırğız Muxtar Vilayətinin yaranmasının 100 illiyi və Qırğızıstan Respublikasının Müstəqillik Günü ilə əlaqədar olaraq Qırğızıstanda fəaliyyət göstərən azərbaycanlı biznesmen və diaspor fəalı Nüsrət Məmmədov türkdilli dövlətlər arasında mədəni əlaqələrin möhkəmləndirilməsinə verdiyi töhfələrinə görə Qırğızıstanın “Dostluq” ordeni ilə təltif olunub.
- 29 avqust 2024-cü il tarixdə texnika elmləri doktoru, professor, Azərbaycan Respublikası Elm və Təhsil Nazirliyi İdarəetmə Sistemləri İnstitutunun Dinamik sistemlərin kompüter modelləşdirilməsi laboratoriyasının müdiri Allahverdi Həsənov 67 yaşında vəfat edib.
- 26 iyul 2024-cü il tarixdə “Şəki Ensiklopediyası” saytının redaksiyası “Şəki Ensiklopediyası” MMC olaraq dövlət qeydiyyatına götürülüb (VÖEN 3003797661). Bu sayt 25 may 2019-cu il tarixdə yaradılmış, 8 mart 2020-ci il tarixdə tam yenidən qurulmuş, 26 mart 2021-ci il tarixdən shaki.info domenində, 11 mart 2024-cü il tarixdən isə sheki.org domenində fəaliyyət göstərməyə başlamışdır.
- 22 iyul 2024-cü il tarixdə Milli Mətbuat və Jurnalistika Günü münasibəti ilə Bəxtiyar Vahabzadənin ev-muzeyində təşkil edilmiş görüşdə Şəki Ensiklopediyasının sahibi və baş redaktoru Aydın Məmmədov mədəniyyət işçiləri ilə əməkdaşlıq etdiyi üçün MİHİ Şəki Rayon Komitəsinin fəxri fərmanı ilə təltif olunub.
- 6 iyun 2024-cü il tarixdə AMEA Şəki Regional Elmi Mərkəzinin və Şəki Ensiklopediyasının təşkilatçılığı ilə Şəkidəki Çingiz Mustafayev adına klubda Azərbaycanın görkəmli dövlət xadimi Nazim Hacıyevin anadan olmasının 100 illiyi münasibəti ilə xatirə gecəsi keçirildi.
- 5 iyun 2024-cü il tarixdə, Birinci Qarabağ müharibəsində şəhid olmuş Azərbaycan əsgəri Səbuhi Süleymanovun (1972–1992) qalıqları anadan olduğu Cəfərabad kəndinin kənd qəbiristanlığında dəfn edildi.