Rəna Dadaşova

Rəna Dadaşova — fizika-riyaziyyat elmləri namizədi, Sumqayıt Dövlət Universitetinin fizika və elektroenergetika fakültəsinin dosenti.

Rəna Dadaşova
Dadaşova Rəna Bəhram qızı
Rəna Dadaşova, 2020-ci il.
Doğum tarixi	15 aprel 1935 (1935-04-15)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vətəndaşlıq	SSRİ→ Azərbaycan
İş yeri	Sumqayıt Dövlət Universiteti
Elmi dərəcəsi	fizika-riyaziyyat elmləri namizədi
Elmi adı	dosent
Təhsili	Azərbaycan Sənaye İnstitutu, avtomatik, telemexaniki elektroölçü cihaz və qurğuları ixtisası üzrə (–1959)

Haqqında məlumatlar

15 aprel 1935-ci il tarixdə Nuxada (indiki Şəki) anadan olub.

1953-cü ildə Nuxa şəhər 5 №-li orta qız məktəbini,

1959-cu ildə Azərbaycan Sənaye İnstitutunu (avtomatik, telemexaniki elektroölçü cihaz və qurğuları ixtisası üzrə) bitirib.

Əmək fəaliyyəti

1959 – 1975-ci illərdə “Neftqazavtomat” Elmi Texniki Layihə İnstitutunda (Sumqayıt) əvvəl laborant, sonra isə kiçik elmi işçi vəzifəsində çalışıb.

1975-ci ildən Sumqayıtdakı Ali Texniki Məktəbdə (Azərbaycan Sənaye İnstitutu (1992–2000), Sumqayıt Dövlət Universiteti (2000-ci ildən)) işləməyə başlayıb, əvvəl baş müəllim, sonralar dosent, kafedra müdiri və dekan vəzifələrini tutub.

Elmi fəaliyyəti

1972-ci ildə “İnduktiv vericilərin temperatur xətalarının təyini” mövzusunda namizədlik dissertasiyasını müdafiə edib.

Təltif və mükafatları

Azərbaycan Respublikası Təhsil Nazirliyinin “Azərbaycan Respublikası qabaqcıl təhsil işçisi” döş nişanı (2012).

Ədəbiyyat

1. Məmmədov Ə., Xalıqov F. Dadaşova Rəna // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 102-103. — 1.000 nüsx.
2. Rəhman ORXAN (23-03-2020). "RƏNA DADAŞOVA - 85". http://birlik.az/ (azərb.). Birlik.az. 28 Mar 2020 - 29 Mar 2020 tarixində arxivləşdirilib.

Həmçinin, bax:

Rahilə Əfəndiyeva