İsmət İsmayılov

İsmət İsmayılov (1924–2010) — tanınmış rəssam, SSRİ Rəssamlar İttifaqının üzvü və Azərbaycan SSR əməkdar rəssamı. Yaradıcılığının əsas istiqamətləri qrafika, rəngkarlıq (xüsusən, portret), tətbiqi sənət (parçaların bədii tərtibatı, ağac üzərində bədii oyma, nəqqaşlıq) idi.

İsmət İsmayılov
İsmayılov İsmət Şirəli oğlu
İsmət İsmayılov.
Doğum tarixi	14 iyul 1924(1924-07-14)
Doğum yeri	Qudula, Şəki qəzası, Azərbaycan SSR, ZSFSR, SSRİ
Vəfat tarixi	7 dekabr 2010 (86 yaşında)
Vəfat yeri	Şəki, Azərbaycan
Dəfn yeri	Məhəmməd əfəndi qəbiristanlığı, Şəki, Azərbaycan
Vətəndaşlığı	SSRİ → Azərbaycan
Təhsili	• Azərbaycan Dövlət Rəssamlıq Məktəbi (natamam)  • Kommunal-Tikinti Texnikumu
Mükafatları
Uşaqları	Hikmət (1953–2013) və Bahar
Həyat yoldaşı	Naimə Şəkixanova Məmmədxan qızı (1926–2010)

Haqqında məlumatlar

14 iyul 1924-cü ildə Şəki qəzasının Qudula kəndində anadan olub.

Təhsili

Nuxa şəhər 7 №-li orta məktəbini bitirib.

Əvvəl Azərbaycan Dövlət Rəssamlıq Məktəbinə daxil olub, lakin ailə vəziyyətinə görə təhsilini kommunal-tikinti texnikumunda davam etdirib.

Hərbi xidmətdə

1943-cü ilin avqust ayında ordu sıralarına çağırılıb. Qısamüddətli serjant (çavuş) məktəbini bitirib.

Əmək fəaliyyəti

Nuxa pionerlər evində və 7 №-li orta məktəbdə rəsm müəllimi, Ağdaş rayonunda tikintidə iş icraçısı, Şəkidə tikintidə mühəndis, kommunal təsərrüfatı idarəsində şöbə müdiri, ticarət idarəsinin soyuducu qurğusunda rəis və s. vəzifələrdə çalışıb,

1959-cu ildən isə V.İ.Lenin adına Nuxa İpək Kombinatının parça tərtibatı üzrə rəssamı olub.

Digər

Hərbi xidmətdə olarkən hərbi qərargahda rəssam kimi fəaliyyət göstərib, çoxlu sayda döyüş yoldaşlarının və komandirlərin portretlərini çəkib və bu portretlərin şəkli ordu qəzetlərində tirajlanıb.

1959 – 1965-ci illərdə Şəki xan sarayının bərpasında iş icraçısı olub.

1973-cü ildən SSRİ Rəssamlar İttifaqının üzvü olub.

Təltif və mükafatları

SSRİ-də təşkil olunmuş bir çox sərgilərin diplomları, bir sıra döyüş və əmək medalları ilə təltif edilib. Böyük Vətən müharibəsi və əmək veteranı olub.

• “Azərbaycan SSR əməkdar rəssamı” fəxri adı (1988).

Vəfatı

7 dekabr 2010-cu il tarixdə – 86 yaşında, vəfat edib. Məhəmməd əfəndi qəbiristanlığında dəfn olunub.

Yaradıcılığından nümunələr

• 
  Həyətimiz (Şəki Dövlət Rəsm Qalereyası).
• 
  Gənc oğlan (Şəki Dövlət Rəsm Qalereyası).
• 
  Hacı Çələbi Nadir şahın hüzurunda, (monoxrom, 1981, Rəşid bəy Əfəndiyev adına Şəki Tarix-Diyarşünaslıq Muzeyi).
• 
  Hacı Çələbi Nadir şahın hüzurunda (polixrom, Minali Butik” hoteli).

Ədəbiyyat

1. Məmmədov Ə., Xalıqov F. İsmayılov İsmət // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 204. — 600 nüsx. — ISBN 5-8066-1708-4.
2. Rəsulova Z. Çələbi xanla Nadir şahın görüşü təsviri sənətdə // Mədəniyyət : qəzet. — Bakı: Azərbaycan, 2024. — В. 4 sentyabr. —№ 65 (2130)  c. — Səh. 7. Arxivləşdirilib; arxivləşdirmə tarixi: 4 sentyabr 2024.

1. Əməkdar rəssam İsmət İsmayılov "Həyətimiz" və "Gənc oğlan" əsərləri // Şəki Dövlət Rəsm Qalereyası (facebook səhfəsi). — 2017. — 25 iyul. — Müraciət tarixi: 06.09.2024.

   Rəsulova Z. Çələbi xanla Nadir şahın görüşü təsviri sənətdə : [arx. 04.09.2024] // Mədəniyyət qəzeti. — 2024. — 4 sentyabr. — Müraciət tarixi: 04.09.2024.