Mübariz İmanzadə

Mübariz İmanzadə — tanınmış diplomat, tərcüməçi və birinci dərəcəli diplomatik müşavir.

Mübariz İmanzadə
İmanzadə Mübariz Şakir oğlu
Mübariz İmanzadə.
Anadan olub	21 avqust 1943 (1943-08-21)
Anadan olduğu yer	Nuxa (indiki Şəki), Azərbaycan SSR, SSRİ
Atası	Şakir İmanzadə
Anası	Səidə İmanzadə
Vətəndaşlıq	SSRİ→ Azərbaycan
Təhsili	• S.M.Kirov adına Azərbaycan Dövlət Universiteti, şərqşünaslıq fakültəsi (1960–)  • S.M.Kirov adına Azərbaycan Dövlət Universiteti, fəlsəfə kafedrası, aspirantura (1972–)
Mükafatları
facebook səhifəsi

Haqqında məlumatlar

21 avqust 1943-cü il tarixdə Nuxada (indiki Şəki) anadan olub.

Təhsili

1950 – 1960-cı illərdə Bakı şəhər 6 №-li orta məktəbində təhsil alıb.

1960-cı ildə S.M.Kirov adına Azərbaycan Dövlət Universitetinin şərqşünaslıq fakültəsinə qəbul olunub.

1963-cü ildə Moskvada hərbi tərcüməçilər hazırlayan altıaylıq kursu bitirib.

1972-ci ildə S.M.Kirov adına Azərbaycan Dövlət Universitetinin fəlsəfə kafedrasının aspiranturasına qəbul olunub.

Əmək fəaliyyəti

1969 – 1970-ci illərdə, il yarım Azərbaycan radiosunun ərəb şöbəsində redaktor,

1975 – 1977-ci illərdə Azərbaycan Dövlət İncəsənət İnstitutunda tədris hissə müdiri,

1977 – 1981-ci illərdə Yəmən Xalq Demokratik Respublikasında SSRİ səfirliyinin tərcüməçisi,

1981 – 1983-cü illərdə Azərbaycan SSR Dövlət Plan Komitəsində informasiya şöbəsinin müdiri,

1983 – 1991-ci illərdə SSRİ-nin Suriyadakı səfirliyində baş tərcüməçi,

1992 – 2001-ci illərdə Məmmədəmin Rəsulzadə adına Bakı Dövlət Universitetində, Xəzər Universitetində, Ali İctimai-Siyasi Kollecdə və s. təhsil müəssisələrində hərbi və ərəb dili kafedralarında müəllim,

2001 – 2002-ci illərdə Azərbaycan Respublikası Xarici İşlər Nazirliyində 1-ci katib,

2002-ci ilin sentyabrından 2006-cı ilin 15 dekabr tarixinədək Azərbaycan Respublikasının Səudiyyə Ərəbistanındakı səfirliyində səfirliyinin I katibi, müşavir və müvəqqəti işlər vəkili,

2009-cu ilin aprelindən 2013-cü ilin 30 aprel tarixinədək Azərbaycan Respublikasının Tunisdəki müvəqqəti işlər vəkili,

2013-cü ildən sonra bir müddət Azərbaycan Respublikası Xarici İşlər Nazirliyi II Ərazi İdarəsinin Yaxın Şərq və Afrika şöbəsinin müşaviri, daha sonra isə Azərbaycan Respublikası Xarici İşlər Nazirliyi Yaxın Şərq və Afrika İdarəsinin müşaviri vəzifəsində çalışıb.

Təltif və mükafatları

• “Azərbaycan Respublikası diplomatik xidmət orqanlarının 90 illiyi (1919-2009)” yubiley medalı (2011);
• Birinci dərəcəli müşavir – diplomatik rütbə (2014).

Ədəbiyyat

1. Ağayev X. Nura boyanmış ömür. Bakı: 2012.
2. Саида Иманзаде : Биография : [arx. 27.08.2022] : [rus.] // [Peoples.ru https://www.peoples.ru/]. — 2021. — 7 сентября. — Müraciət tarixi: 27.08.2022.