Mərahim Fərzəlibəyov

Mərahim Fərzəlibəyov — Azərbaycan Respublikasının xalq artisti, Bakı Bələdiyyə Teatrının rejissoru. Bir neçə filmim rejissoru, yaxud quruluşçu rejissoru olmuş, bir neçə filimə isə aktyor kimi çəkilmişdir.

Mərahim Fərzəlibəyov
Fərzəlibəyov Mərahim Fərzəli oğlu
Mərahim Fərzəlibəyov, 2015-ci il.
Doğum tarixi	26 iyun 1949 (1949-06-26)
Doğum yeri	Bakı, Azərbaycan SSR, SSRİ,
Vətəndaşlığı	SSRİ→ Azərbaycan
Uşağı	Samir Mərahim oğlu Fərzəlibəyov
Atası	Fərzəli Mustafa oğlu Fərzəlibəyov
Peşəsi	teatr rejissoru
Təhsili	Leninqrad Dövlət Teatr, Musiqi və Kinematoqrafıya İnstitutu(ru), rejissorluq fakültəsi (1970–1975)
Mükafatları
IMDb	ID 1076526

Haqqında məlumatlar

26 iyun 1949-cu il tarixdə Bakıda anadan olub.

Təhsili

1966-cı ildə Bakıda 56 saylı orta məktəbi bitirib.

1970 – 1975-ci illərdə Leninqrad Dövlət Teatr, Musiqi və Kinematoqrafıya İnstitutunun^(ru) rejissorluq fakültəsində təhsil alıb.

Əmək fəaliyyəti

1966 – 1970-ci illərdə əvvəlcə Azərbaycan Respublikası Jurnalistlər İttifaqının yaradıcılıq fotostudiyasında şagird-laborant, sonra Suraxanı rayon mədəniyyət evində kinomexanik köməkçisi, daha sonra 26-lar Mədəniyyət sarayında “Şəfəq” pioner dram dərnəyinin rəhbəri,

1975 – 1977-ci illərdə təyinatla M.Y.Lermontov adına Respublika Rus Dram Teatrında (Qroznı, Çeçen-İnquş MSSR, RSFSR, SSRİ) quruluşçu rejissor,

1977 – 1981-ci illərdə Sumqayıt Dövlət Dram Teatrında baş rejissor,

1981 – 2006-ci illərdə M.Əzizbəyov adına Azərbaycan Dövlət Akademik Dram Teatrı/Azərbaycan Dövlət Akademik Milli Dram Teatrında rejissor,

2006 – 2012-ci illərdə Azərbaycan Dövlət Akademik Milli Dram Teatrında baş rejissor vəzifəsində çalışıb.

2012-ci ildən Bakı Bələdiyyə Teatrının rejissorudur.

Təltif və mükafatları

• “Azərbaycan SSR əməkdar artisti” fəxri adı (1982);
• “Azərbaycan Respublikasının xalq artisti” fəxri adı (2000);
• “Şöhrət” ordeni (2019).

Ailəsi

• Atası: Fərzəli Mustafa oğlu Fərzəlibəyov 1915-ci ildə Nuxada (indiki Şəki) anadan olmuşdur.
• Oğlu: Samir Mərahim oğlu Fərzəlibəyov, rejissordur, 2010-cu ildə İstanbulda fəaliyyət göstərən Avropa Qəzetçilər Dərnəyinin (AQD) keçirdiyi müsabiqədə “Ən yaxşı rejissor” nominasiyasının qalibi olub.

Ədəbiyyat

1. Məmmədov Ə., Xalıqov F. Fərzəlibəyov Mərahim // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 143-146. — 600 nüsx. — ISBN 5-8066-1708-4.
2. Eldaroğlu E. Teatrda ötən ömür... : [arx. 28.06.2023] // Paralel.az. — 2023. — 25 iyun. — Müraciət tarixi: 28.06.2023.

Filmoqrafiya

• Qəm pəncərəsi (film, 1986);
• O dünyadan salam (film, 1991);
• Mənim ağ şəhərim (film, 1993);
• Canavar balası (film, 1997);
• Sən həmişə bizimləsən (film, 1997);
• Qırmızı qar (film, 1998);
• Şərqdən doğan günəş (film, 2008);
• Bizim qəribə taleyimiz (film, 2005).