Fikrət Məmmədov

Fikrət Məmmədov
Fikrət Məmmədov
	Məmmədov Fikrət Fərrux oğlu
	Fikrət Məmmədov, 2010-cu il.
	23 fevral 2024
	2005 — 2023
	19 aprel 2000 — 16 fevral 2024
Sələfi	Südabə Həsənova
	1994 — 2000
Şəxsi məlumatlar
Doğum tarixi	1 iyul 1955 (69 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Atası	Məmmədov Fərrux Məmməd oğlu
Anası	Əliyeva Dilbər Əziz qızı
Partiya	bitərəf
Təhsili	• 1977-ci ildə M.V.Lomonosov adına Moskva Dövlət Universitetinin hüquq fakültəsi (–1977) • Azərbaycan KP MK yanında Bakı Ali Partiya Məktəbi (−1988)
Təltifləri	;
Adının digər versiyaları	Fikret Mammadov, Fikret Memmedov, Fikrat Mammadov, Фикрет Мамедов, Фикрәт Мәммәдов
	Commonsda da Fikrət Məmmədov ilə əlaqəli mediafayllar var

Fikrət Məmmədov — Azərbaycan Respublikası Konstitusiya Məhkəməsinin hakimi. I dərəcəli dövlət ədliyyə müşaviri və əməkdar hüquqşünasdır, daha əvvəl ədliyyə naziri və Məhkəmə-Hüquq Şurasının sədri vəzifəsində çalışmışdır. Azərbaycan Respublikasının prezidenti İlham Əliyevin xalası oğludur.

Haqqında məlumatlar

1 iyul 1955-ci il tarixdə Bakıda anadan olub.

Təhsili

1972-ci ildə Bakı şəhər 23 saylı orta məktəbini,

1977-ci ildə M.V.Lomonosov adına Moskva Dövlət Universitetinin hüquq fakültəsini,

1988-ci ildə Bakı Azərbaycan KP MK yanında Ali Partiya Məktəbini bitirib.

Əmək fəaliyyəti

1977 – 1994-cü illərdə əvvəl rayon prokurorunun köməkçisi, sonra isə Bakı şəhər prokurorluğunda istintaq şöbəsinin prokuroru, respublika prokurorluğunda təşkilat-nəzarət şöbəsinin böyük prokuroru və rəisi, Azərbaycan KP MK inzibati orqanlar şöbəsində hüquq mühafizə orqanları ilə iş üzrə təlimatçı, Azərbaycan Respublikasının Baş Prokurorluğunda hüquqi təminat idarəsinin rəisi, Sumqayıt şəhər prokuroru vəzifələrində çalışıb.

1994 – 2000-ci illərdə Azərbaycan Respublikasının baş prokurorunun müavini,

2000-ci ilin aprel ayından 2024-cü il fevral ayının 16-dək Azərbaycan Respublikasının ədliyyə naziri,

2005 – 2023-cü illərdə Azərbaycan Respublikasının Məhkəmə-Hüquq Şurasının sədri olub.

23 fevral 2024-cü il tarixdən Azərbaycan Respublikası Konstitusiya Məhkəməsinin hakimidir.

Beynəlxalq təşkilatlarda üzvlüyü

Beynəlxalq Prokurorlar Assosiasiyasının senatoru və fəxri üzvü, Beynəlxalq Antikorrupsiya Orqanları Assosiasiyasının və BMT-nin Cinayətkarlığın qarşısının alınması və cinayət ədliyyəsi üzrə Konqresinin vitse-prezidentidir.

Təltif və mükafatları

“Şöhrət” ordeni (2005);
“Azərbaycan Respublikasının əməkdar hüquqşünası” fəxri adı (2008);
Azərbaycan Respublikası Prezidentinin fəxri diplomu (2015);
I dərəcəli “Vətənə xidmətə görə” ordeni (2018);
Azərbaycan Respublikasının, xarici dövlətlərin, beynəlxalq təşkilatların medalları və digər mükafatlar.

Ailəsi

Atası: Fərrux Məmməd oğlu Məmmədov, 1915-ci ildə Nuxa qəzasının Aşağı Layısqı kəndində anadan olmuş, 1997-ci ildə Bakıda vəfat etmişdir.

Anası: Dilbər Əziz qızı Əliyeva, görkəmli sovet partiya və dövlət xadimi Əziz Əliyevin qızı.

Evlidir, 4 övladı var;

Oğlu: Fariz Məmmədov Azərbaycan Respublikası Vəkillər Kollegiyası Rəyasət Heyətinin üzvüdür. 1998 – 2002-ci illərdə Bakı Dövlət Universitetində hüquqşünaslıq ixtisası üzrə bakalavr, 2003 – 2005-ci illərdə isə mülki hüquq üzrə magistr təhsili alıb. 2005-ci ildə təhsilini Fransada davam etdirib – Paris-Srbonn Universitetində^(en) hüquqşünaslıq ixtisası üzrə magistr təhsili alıb.

Ədəbiyyat

Azərbaycan Respublikasının Ədliyyə Nazirliyi. "Fikrət Fərrux oğlu Məmmədov". justice.gov.az (azərb.). justice.gov.az. 7 Apr 2019 - 17 Dec 2019 tarixində arxivləşdirilib.
Məmmədov Ə., Xalıqov F. Məmmədov Fərrux Məmməd oğlu // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 271-274. — 600 nüsx. — ISBN 5-8066-1708-4.
"Məşhurların övladları: Ədliyyə naziri Fikrət Məmmədovun vəkil oğlu". modern.az (azərb.). modern.az. 13 May 2018. 13 May 2018 – 11 Sep 2019 tarixində arxivləşdirilib.