Yusif Rəşidov

Yusif Rəşidov (1915–1965) ― tanınmış su təsərrüfatı mühəndisi, Azərbaycan SSR Su Təsərrüfatı Nazirliyi Nuxa Rayon Su İdarəsinin müdiri.

Yusif Rəşidov
Rəşidov Yusif Həbibulla oğlu
Yusif Rəşidov.
Anadan olub	31 mart 1915(1915-03-31)
Anadan olduğu yer	Nuxa, Yelizavetpol quberniyası, Rusiya İmperiyası
Vəfat edib	24 may 1965 (50 yaşında)
Vəfat səbəbi	avtomobil qəzası
Dəfn yeri	Xoçik qəbiristanlığı, Nuxa (indiki Şəki)
Həyat yoldaşı	Nəzirə Məmmədova
Uşaqları	8 qız və 1 oğlan (Hüseyn Rəşidov)
Atası	Həbibulla
Anası	Firuzə
Vətəndaşlıq	SSRİ
Təhsili	• A.Hacıyev adına Bakı Hidrotexnikumunu (–1938)  • Serqo Ordjonikidze adına Novoçerkassk politexnik institutu, su mühəndisliyi fakültəsi (1965–1962)
Mükafatları

Haqqında məlumatlar

31 mart 1915-ci il tarixdə Nuxada (indiki Şəki) anadan olub.

Təhsili

1930-cu illərin ortalarında Nuxa şəhər 10 №-li orta məktəbini,

1938-ci ildə A.Hacıyev adına Bakı Hidrotexnikumunu bitirib.

1956 – 1962-ci illərdə Serqo Ordjonikidze adına Novoçerkassk Politexnik İnstitutunun su mühəndisliyi fakültəsində təhsil alıb.

Hərbi xidmətdə

Yusif Rəşidovun hərbi sənədlərindəki gənclik şəkli.

22 iyun 1941-ci il tarixdə – Böyük Vətən müharibəsinin başladığı gün, hərbi xidmətə götürülüb.

29 iyul 1942-ci il tarixdə Rostov vilayətində baş vermiş hərbi əməliyyatlar zamanı itkin düşməsi ilə bağlı Nuxa şəhər Nakam küçəsi 1-ci döngə, ev 8 ünvanında yaşayan anası Firuzə Məmmədovaya rəsmi məktub göndərilib. İtkin düşərkən kiçik leytenant rütbəsində olub və 31-ci atıcı diviziyanın 75-ci atıcı polkunun tağım (vzvod) komandiri idi. Lakin sonra tapılıb.

25 avqust 1945-ci il tarixdə ordudan tərxis olunub.

Əmək fəaliyyəti

Su təsərrüfatı sahəsində müxtəlif vəzifələrdə çalışıb. Vəfat edərkən Azərbaycan SSR Su Təsərrüfatı Nazirliyi Nuxa Rayon Su İdarəsinin müdiri idi.

İctimai-siyasi aktivliyi

1957-ci ildə Nuxa rayon zəhmətkeş deputatları Sovetinə deputat seçilib.

Təltif və mükafatları

• “Qırmızı Ulduz” ordeni – 07.06.1945.

Vəfatı

23 may 1965-ci il tarixdə avtomobil qəzasında ağır xəsarət alıb.

24 may 1965-ci il tarixdə — 50 yaşında, vəfat edib. Xoçik qəbiristanlığında dəfn olunub.

Ədəbiyyat

1. Рашидов Юсуф Габибуллаевич : [arx. 07.04.2024] : [rus.] // Память народа. — Müraciət tarixi: 07.04.2024.
2. Рашидов Юсуф Кабакулович : [arx. 07.04.2024] : [rus.] // Память народа. — Müraciət tarixi: 07.04.2024.