Abdulla İbrahimov

Abdulla İbrahimov (1943–2013) — kimya elmləri namizədi, Azərbaycan Dövlət Neft Akademiyasının (indiki Azərbaycan Dövlət Neft və Sənaye Universiteti) yüksək molekullu birləşmələrin texnologiyası kafedrasının dosenti. Azərbaycan Respublikası Dövlət Neft Şirkətinin sabiq vitse-prezidenti Səyyad İbrahimovun (1936–2016) kiçik qardaşıdır.

Abdulla İbrahimov
İbrahimov Abdulla Cabbar oğlu
Abdulla İbrahimov.
Doğum tarixi	31 oktyabr 1943(1943-10-31)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	22 fevral 2013 (69 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elm sahəsi	kimya
İş yeri	Azərbaycan Dövlət Neft Akademiyası (indiki Azərbaycan Dövlət Neft və Sənaye Universiteti)
Elmi dərəcəsi	kimya elmləri namizədi
Elmi adı	dosent
Təhsili	M.Əzizbəyov adına Azərbaycan Neft və Kimya İnstitutu, neft mexanikası fakültəsi (1961–1967)
Adının digər versiyaları	Абдулла Ибрагимов, Абдулла Ибрахимов, Абдулла Ибраһимов

Haqqında məlumatlar

31 oktyabr 1943-cü il tarixdə Nuxada (indiki Şəki) anadan olub.

Təhsili

1961-ci ildə Nuxa şəhər 3 №-li orta məktəbini bitirib.

1961 – 1967-ci illərdə M.Əzizbəyov adına Azərbaycan Neft və Kimya İnstitutunun neft mexanikası fakültəsində təhsil alıb.

Əmək fəaliyyəti

1967-ci ildən M.Əzizbəyov adına Azərbaycan Neft və Kimya İnstitutunun yüksək molekullu birləşmələrin texnologiyası kafedrasında assistent,

1970-ci ildən isə baş elmi işçi vəzifəsində çalışıb.

Elmi fəaliyyəti

1960-cı ildə “Butil kauçukun xlorlaşma və sulfoxlorlaşma proseslərinin tədqiqi” mövzusunda Azərbaycan SSR EA-nın müxbir üzvü, professor M.M.Hüseynov və professor F.V.Məmmədovun rəhbərliyi altında “Kiçik molekullu olefinlərin alınması və emalı” mövzusu üzrə namizədlik dissertasiyasını müdafiə edib.

100-dən artıq elmi məqalənin, o cümlədən 8 müəlliflik şəhadətnaməsinin, 3 Rusiya, 4 Azərbaycan patentinin müəllifidir. Xarici ölkələrdə 4 elmi işi çap olunub.

Təltif və mükafatları

“SSRİ ixtiraçısı” döş nişanı.

Vəfatı

22 fevral 2013-cü il tarixdə – 69 yaşında, Bakıda vəfat edib.

Həmçinin, bax:

• Səyyad İbrahimov

Ədəbiyyat

1. Məmmədov Ə., Xalıqov F. İbrahimov Abdulla // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 271-273. — 1.000 nüsx.