Səlahəddin Kazımov
Səlahəddin (Saləddin) Kazımov (1920–1978) — Sovet İttifaqı Qəhrəmanı, SSRİ daxili xidmət general-mayoru, Azərbaycan SSR daxli işlər nazirinin müavini.
Səlahəddin (Saləddin) Kazımov | |
---|---|
Kazımov Səlahəddin (Saləddin) Həsən oğlu | |
![]() | |
Səlahəddin Kazımov. | |
Doğum tarixi | 22 dekabr 1920 |
Doğum yeri |
Zaqatqla, Zaqatala qəzası, ![]() |
Vəfat tarixi | 2 iyul 1978 (57 yaşında) |
Vəfat yeri |
Bakı, ![]() ![]() |
Dəfn yeri | Fəxri Xiyaban (Bakı) |
Vətəndaşlıq |
![]() ![]() ![]() |
Təhsili | Azərbaycan Pedaqoji İnstitutu, fizika-riyaziyyat fakültəsi (–1941) |
Hərbi fəaliyyəti | |
Rütbə |
![]() general-mayor |
Təltifləri |
![]() ![]() ![]() ![]() ![]() ![]() ![]() ![]() ![]() ![]() ![]() |
Haqqında məlumatlar Redaktə
22 dekabr 1920-ci il tarixdə Zaqatalada anadan olub.
Təhsili Redaktə
1941-ci ildə Azərbaycan Pedaqoji İnstitutunun fizika-riyaziyyat fakültəsini,
1942-ci ildə isə Tiflis Artilleriya Məktəbinin sürətləndirilmiş kursunu bitirib.
Hərbi xidməti və əmək fəaliyyəti Redaktə
Böyük Vətən müharibəsində vzvod, batareya, diviziya komandiri olub, kapitan hərbi rütbəsini alıb, bir sıra orden və medallarla, o cümlədən, “Sovet İttifaqı Qəhrəmanı” adı ilə təltif olunub.
Böyük Vətən müharibəsindən sonra Qırmızıbayraqlı Zaqafqaziya hərbi Dairəsində bir sıra vəzifələrdə çalışıb.
1956-cı ildən Azərbaycan SSR Daxili İşlər Nazirliyində işləyib; o cümlədən,
1970-ci ildən nazir müavini vəzifəsini tutub.
Təltif və mükafatları Redaktə
- “Qırmızı Bayraq” ordeni (14.07.1943);
- “Sovet İttifaqı Qəhrəmanı” adı, Lenin ordeni və “Qızıl Ulduz” medalı (16.10.1943);
- “Moskvanın müdafiəsinə görə” medalı (01.05.1944);
- “1941-1945-ci illər Böyük Vətən müharibəsində Almaniya üzərində qələbəyə görə” medalı (09.05.1945);
- “Praqanın azad edilməsinə görə” medalı (09.06.1945);
- “Berlinin alınmasına görə” medalı (09.06.1945);
- Aleksandr Nevski ordeni (SSRİ) (10.06.1945);
- “Döyüş xidmətlərinə görə” medalı (05.11.1954);
- “Qırmızı Ulduz” ordeni (30.12.1956);
- 2-ci dərəcəli “Silahlı dostluğun möhkəmləndirilməsinə görə” medalı (20.03.1970).
Vəfatı Redaktə
2 iyul 1978-ci il tarixdə – 57 yaşında, Azərbaycan SSR Daxili İşlər Nazirlinin binasında baş vermiş silahlı insident zamanı həlak olub. Bakıda Fəxri xiyabanda dəfn edilib.
Xatirəsi Redaktə
Bakıda vaxtilə yaşadığı binaya (Səməd Vurğun küçəsi, ev 196) barelyefi vurulub. Zaqatala və Şəki şəhərlərində bir küçəyə adı verilib.
Ailəsi Redaktə
Atası Zaqataladan, anası isə Nuxadan (indiki Şəki) idi.
Şəkillər Redaktə
-
“Sovet İttifaqı Qəhrəmanı” adı ilə bağlı təltif kağızı.
-
Səlahəddin Kazımovun qəbri (Fəxri Xiyaban, Bakı).
-
Səlahəddin Kazımovun vaxtilə yaşadığı binaya (Bakı şəhəri, Səməd Vurğun küçəsi, ev 196) vurulmuş barelyef.
Ədəbiyyat Redaktə
- Казимов Саладин Исаевич : Документы о награждении : [arx. 17.08.2016] : [rus.] // Память народа. — Müraciət tarixi: 24.08.2021.
- Кязимов Саладин Исаевич : Документы о награждении : [arx. 24.08.2021] : [rus.] // Память народа. — Müraciət tarixi: 24.08.2021.
- Кязимов Саладин Исаевич : Документы о награждении : [arx. 24.08.2021] : [rus.] // Память народа. — Müraciət tarixi: 24.08.2021.
- Kazımov Səlahəddin isa oğlu // Azərbaycan Sovet Ensiklopediyası : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1981. — V cild. — Səhifələrin sayı: 624. — Səh.: 210. — 80.000 nüsx.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |