Ülvi Həsənli

Ülvi Həsənli — tanınmış azərbaycanlı musiqiçi-pedaqoq, skripka ifaçısı və alt (viola) ifaçısı. Almaniya, İtaliya, İspaniya, Danimarka, Finlandiya, İsveç, Latviya, Estoniya və s. Avropa ölkələrində bir sıra masterklass və orkestr proyektlərində iştirak edib. 2014-cü ildən Norveçin Stavanger şəhərində yaşayır.

Ülvi Həsənli
Həsənli Ülvi Namiq oğlu
Ülvi Həsənli.
Şəxsi məlumatlar
Doğum tarixi	10 aprel 1990 (1990-04-10)
Doğum yeri	Şəki, Azərbaycan SSR, SSRİ
Musiqi alətləri	skripka, alt (viola) ifaçısı
Təhsili	• Bakı Musiqi Akademiyası, ifaçılıq fakültəsi, bakalavriat (2007–2011)  • Bergen Universiteti (Norveç), ifaçılıq fakültəsi, magistratura (2012–2014)  • Stavanger Universiteti (Norveç), ifaçılıq fakültəsi, aspirantura (2014–2015)  • Stavanger Universiteti (Norveç), alt (viola) ixtisası, magistratura (2017–2020)  • Stavanger Universiteti (Norveç), alt (viola) ixtisası, aspirantura (2020– 2021)
facebook səhifəsi

Haqqında məlumatlar

10 aprel 1990-cı il tarixdə Şəkidə anadan olub.

Təhsili

1997 – 2005 və 2006 – 2007-ci illərdə Şəki şəhər Rəşid bəy Əfəndiyev adına 10 nömrəli orta məktəbində,

2005 – 2006 illərdə isə “Wagner High School”da (San Antonio şəhəri, Texas ştatı, ABŞ) orta təhsili alıb.

Musiqi təhsili

Skripka ixtisası üzrə

2000 – 2005-ci illərdə Şəki Şəhər Uşaq İncəsənət Məktəbinində ilkin,

2007 – 2011 illərdə Bakı Musiqi Akademiyasının ifaçılıq fakültəsində bakalavr,

2012 – 2014 illərdə Bergen Universitetinin (Norveç) ifaçılıq fakültəsində magistr,

2014 – 2015 illərdə Stavanger Universitetində (Norveç) aspirantura təhsili alıb.

2015 – 2021 illərdə Stavanger Universitetində təhsilini davam etdirib; o cümlədən,

2015 – 2016 illərdə praktika və pedaqoji musiqi nəzəriyyəsi üzrə,

2016 – 2017 illərdə kamera musiqisi və alternativ ixtisas alt (viola) aləti üzrə ixtisasartırma kursu keçib,

2017 – 2020 illərdə alt (viola) ixtisası üzrə magistr,

2020 – 2021 illərdə isə aspirantura təhsili alıb.

Əmək fəaliyyəti

2007 – 2009 illərdə Azərbaycan Dövlət Akademik Musiqi Teatrında orkestr artisti,

2009 – 2012 illərdə Üzeyir Hacıbəyli adına Azərbaycan Dövlət Simfonik Orkestrində orkestr ifaçısı olaraq çalışıb.

2014-cü ildən Norveçin Stavanger şəhərində musiqiçi və müəllim olaraq əmək fəaliyyəti ilə məşğuldur.

Təltif və mükafatları

2005 – 2006 illərdə orta təhsilini ABŞ-da davam etdirdiyi müddət ərzində Texas Gənc Musiqi İfaçıları müsabiqəsində San Antonio şəhəri üzrə birinci, Texas ştatı üzrə isə ikinci yeri tutub.