Rafiq Abdullayev
Rafiq Abdullayev – tanınmış energetik və birinci dərəcəli dövlət qulluqçusu. Energetika sahəsi üzrə bir sıra vəzifələrdə çalışmış, o cümlədən, 2006 – 2016-cı illərdə Azərbaycan Respublikası Energetika Nazirliyi Dövlət Enerji Nəzarəti İdarəsi rəisinin müavini olmuşdur.
| Rafiq Abdullayev | |
|---|---|
| Abdullayev Rafiq Bəxtiyar oğlu | |
 | |
| Rafiq Abdullayev, 2019-cu il. | |
| Anadan olub | 27 yanvar 1953 |
| Anadan olduğu yer |
Nuxa, Nuxa rayonu, .svg){kind=small} Azərbaycan SSR,  SSRİ |
| Atası | Əfsər Abdullayev |
| İxtisası | energetik |
| Təhsili | M.Əzizbəyov adına Azərbaycan Neft və Kimya İnstitutu, energetika fakültəsi (1970 – 1975) |
| Mükafatları |
 |
| facebook səhifəsi | |
Haqqında məlumatlar
27 yanvar 1953-cü il tarixdə Nuxada anadan olub.
Təhsili
1959 – 1969-cu illərdə Nuxa şəhər M.Qorki adına 10 №-li orta məktəbində,
1970 – 1975-ci illərdə isə M.Əzizbəyov adına Azərbaycan Neft və Kimya İnstitutunun energetika fakültəsində təhsil alıb.
1976 və 1980-cı illərdə Leninqrad İxtisasartırma İnstitutunun kurslarında təhsilini artırıb.
Əmək fəaliyyəti
1975 – 1983-cü illərdə “Azenerjisazlama” müəssisəsində mühəndis, böyük mühəndis,
1983 – 1984-cü illərdə “Dövlətenerjinəzarət” idarəsində inspektor vəzifəsində çalışıb.
1984-cü ildə ölkə Enerjinəzarət İşçiləri Azad Həmkarlar İttifaqı Komitəsinə sədr seçilib.
1987 – 1997-ci illərdə yenidən “Dövlətenerjinəzarət” idarəsində inspektor, sonra sex rəisi, daha sonra inspektorluğun rəisi,
1997 – 2006-cı illərdə “Azərenerji” ASC və “BAYVA Enerji” ASC-də enerjisatışı üzrə şöbə rəisi, idarə rəisinin müavini, baş menecerin müavini,
2006 – 2016-cı illərdə Azərbaycan Respublikası Energetika Nazirliyi Dövlət Enerji Nəzarəti İdarəsi rəisinin – Azərbaycan Respublikası Baş Dövlət Müfəttişinin müavini olub.
2016-cı ildə dövlət qulluğu üzrə pensiyaya çıxıb.
Təltif və mükafatları
- “SSRİ Dövlət Şəhər Texniki Nəzarətinin ən yaxşı inspektoru” (rus.: Лучший инспектор госгортехнадзор СССР) döş nişanı;
- SSRİ Dövlət Enerji Nəzarətin yubiley döş nişanı;
- Azərbaycan Respublikası Energetika Nazirliyinin fəxri fərmanı;
- Azərbaycan Elektroenergetika və Elektrotexnika Sənayesi İşçiləri Həmkarlar İttifaqının fəxri fərmanı;
- “Tərəqqi” medalı (2014).
Ailəsi
Ailəlidir, iki qızı, bir oğlu var.