Soltan Abdullayev
Soltan Abdullayev (1930 – 2002) — Azərbaycan sovet dövlət və partiya məmuru, Azərbaycan KP Şəki Şəhər Komitəsinin katibi (1970 – 1973) və bir sıra digər məsul partiya, dövlət, həmkarlar və təsərrüfat vəzifələrində işləmişdir.
| Soltan Abdullayev | |
|---|---|
| Abdullayev Soltan Məmməd oğlu | |
 | |
| Soltan Abdullayev, 1980-cı il | |
| Anadan olub | 15 fevral 1930 |
| Anadan olduğu yer |
Nuxa, .svg){kind=small} Azərbaycan SSR,  ZSFSR,  SSRİ |
| Vəfat edib | 20 iyun 2002 (72 yaşında) |
| Vəfat etdiyi yer | Şəki, Azərbaycan Respublikası |
| Həyat yoldaşı | Binyət Abdullayeva |
| Vətəndaşlıq |
SSRİ→ Azərbaycan |
| Təhsili |
Nuxa Kənd Təsərrüfatı Texnikumu (1946 – 1949) S.Ağamalıoğlu adına Azərbaycan Kənd Təsərrüfatı İnstitutu (Kirovabad, 1950 – 1955) Bakı Ali Partiya Məktəbi(az) (1963 – 1965) |
| Mükafatları |
 |
Haqqında məlumatlar
15 fevral 1930-cu il tarixdə Nuxada anadan olub.
Təhsili
1946-cı ildə Nuxa şəhər 12 №-li orta məktəbini bitirib.
1946 – 1949-cu illərdə Nuxa Kənd Təsərrüfatı Texnikumunda,
1950 – 1955-ci illərdə S.Ağamalıoğlu adına Azərbaycan Kənd Təsərrüfatı İnstitutunda (Kirovabad) təhsil alıb.
1963 – 1965-ci illərdə isə Bakı Ali Partiya Məktəbinin(az) dinləyicisi olub.
Əmək fəaliyyəti
1949-cu ildə Nuxa rayonunun Bideyiz kəndində – Nizami adına kolxozda, aqronom,
1955 – 1963-cü illərdə S.M.Kirov adına Qışlaq kolxozunda Kənd təsərrüfatı Nazirliyinin toxumçu aqronomu, baş aqronom, Daşüz camışçılıq sovxozunda baş aqronom, rayon aqrokimya laboratoriyasının müdiri, Nuxa və Vartaşen rayon Kolxoz-sovxoz Məhəlli İstehsalat İdarəsində baş aqronom və təşkilatçı müfəttiş, Nuxa Şəhər Partiya Komitəsində təlimatçı,
1965 – 1968-ci illərdə Nuxa/Şəki Şəhər Partiya Komitəsində kənd təsərrüfatı şöbəsinin müdiri,
1968 – 1970-ci illərdə Şəki rayon XDS İcraiyyə Komitəsi sədrinin müavini,
1970 – 1973-cü illərdə Azərbaycan KP Şəki Şəhər Komitəsinin katibi,
1974 – 1976-cı illərdə Şəki Şəhər Həmkarlar İttifaqları Şurasının sədri,
1976 – 1985-ci illərdə Şəki rayon XDS İcraiyyə Komitəsində təşkilat şöbəsinin müdiri,
1985 – 1992-ci illərdə Şəki rayon Bitki Mühafizəsi Stansiyasının rəisi,
1992-ci ildən Şəki İpəkçilik İdarəsində aqronom vəzifəsində işləyib.
2002-ci ildə Şəkidə vəfat edib.
İctimai fəaliyyyəti
- 1958-ci ildə Moskva şəhərində SSRİ Xalq Təsərrüfatı Nailiyyətləri sərgisinin iştirakçısı olub.
- Müxtəlif illərdə Nuxa/Şəki və Vartaşen rayonlarının Xalq Deputatları Sovetlərinin deputatı seçilib.
- 1993-cü ildən Yeni Azərbaycan Partiyasının üzvü və vəfatına qədər keçirilən YAP Şəki təşkilatının bütün konfranslarının nümayəndəsi olub.
- “Sovet kəndi”, “Nuxa fəhləsi”/“Şəki fəhləsi” və “İpəkçi” qəzetlərində partiya, sovet və təsərrüfat həyatının müxtəlif sahələrinə dair məqalələri dərc olunub.
Mükafatları
- ÜİLKGİ MK-nın, Azərbaycan LKGİ MK-nın, Azərbaycan Həmkarlar ittifaqları Mərkəzi Şurasının, Azərbaycan SSR Kənd Təsərrüfatı Nazirliyinin, Azərbaycan KP Şəki Şəhər Komitəsinin fəxri fərmanları;
- “Sosializm yarışının qalibi” döş nişanları;
- “Əmək veteranı” medalı.
Vəfatı
20 iyun 2002-ci il tarixdə – 72 yaşında, Şəkidə vəfat edib.
Ailəsi
- Həyat yoldaşı: Abdullayeva Binyət Ibrahimxəlil qızı (d. 1931 – ö. 1994).
- Övladları: Xatirə (vəfat edib), Elxan, Elçin, Cavanşir.