Yusif Səfərov
Yusif Səfərov – tarixçi alim, tarix elmləri namizədi, professor; Azərbaycanda tarixşünaslıq fənninə dair ilk dərsliyin müəllifidir.
| Yusif Səfərov | |
|---|---|
| Səfərov Yusif Həbibulla oğlu | |
 | |
| Yusif Səfərov | |
| Doğum tarixi | 1921 |
| Doğum yeri |
Nuxa, Nuxa qəzası,  Azərbaycan SSR |
| Vəfat tarixi | 2002 (82 yaşında) |
| Vəfat yeri |
Bakı, .svg){kind=small} Azərbaycan SSR,  SSRİ |
| Vətəndaşlıq |
SSRİ |
| Elm sahəsi | tarix |
| Elmi dərəcəsi | tarix elmləri namizədi |
| Elmi adı | professor |
| Təhsili |
S.M.Kirov adına Azərbaycan Dövlət Universiteti, tarix fakültəsində (1939 – 1941; 1947 – 1951) M.V.Lomonosov adına Moskva Dövlət Universiteti, aspirantura ( 1951 – 1954) |
| Atası | Həbibulla Səfərov |
| Anası | Xədicə Hüseynova |
| Mükafatları |
       |
Haqqında məlumatlar
1921-ci ildə Nuxada anadan olub.
Təhsili
1939-cu ildə Nuxa şəhər 11 №-li tam orta məktəbi bitirib.
1939 – 1941 və 1947 – 1951-ci illərdə S.M.Kirov adına Azərbaycan Dövlət Universitetinin tarix fakültəsində,
1951 – 1954-cü illərdə isə M.V.Lomonosov adına Moskva Dövlət Universitetinin aspiranturasında təhsil alıb.
Əmək fəaliyyəti
1954-cü ildən S.M.Kirov adına Azərbaycan Dövlət Universitetində çalışmış, əvvəl tarix fakültəsində müəllim,
1955-ci ildən baş müəllim və kafedranın dosenti, sonra SSRİ tarixi kafedrasının müdiri, daha sonra mənbəşünaslıq, tarixşünaslıq və tarixin tədrisi üsulları kafedrasının professoru olub.
Elmi fəaliyyəti
1954-cü ildə M.V.Lomonosov adına Moskva Dövlət Universitetində “1806 – 1812-ci illər Rusiya – Türkiyə müharibəsi (Qafqaz cəbhəsi)” mövzusunda namizədlik dissertasiyasını müdafiə edib.
Azərbaycanda tarixşünaslıq fənninə dair ilk dərsliyin, 100-dən çox elmi monoqrafiya, məqalə, metodik vəsait, dərs vəsaiti və proqramların müəllifidir.
Elmi-ictimai fəaliyyəti
Uzun müddət Azərbaycan SSR Elmlər Akademiyasının terminologiya komissiyasının üzvü olub.
Digər
1941-ci ildə S.M.Kirov adına Azərbaycan Dövlət Universitetində təhsilini yarımçıq qoyaraq faşist Almaniyasına qarşı vuruşan Qızıl Ordu sıralarına getmiş, 1945-ci ilin 19 aprelində Almaniyanın Frankfurt şəhəri uğrunda gedən döyüşlərdə ayağından ağır yaralanmışdır. Bundan sonra gəzmə qabiliyyətinin bərpası üçün 1945-ci ildən 1949-cu ilədək SSRİ-nin müxtəlif hospitallarında ondan artıq cərrahiyyə əməliyyatları keçirilib, 1947-ci ildə II qrup əlil kimi ordudan təxris olunub.
Təltif və mükafatları
- “Qafqazın müdafiəsinə görə” medalı.
- “Qırmızı Ulduz” ordeni.
- “Varşavanın azad edilməsinə görə” medalı.
- “Qırmızı Bayraq” ordeni.
- II dərəcəli “Vətən Müharibəsi” ordeni.
- I dərəcəli “Vətən Müharibəsi” ordeni.
- SSRİ Ali Baş Komandanlığının fəxri fərmanı ilə təltif olunmuşdur.
- “Tərəqqi” medalı – Məmmədəmin Rəsulzadə adına Bakı Dövlət Universitetinin 80 illiyi münasibəti ilə elm və təhsil sahələrində xidmətlərinə görə (11 fevral 2000-ci il).
Ailəsi
Atası: Həbibulla Səfərov, pinəçi olub, yaşının çox olmasına baxmayaraq, oğlundan sonra o, da müharibəyə getmiş, 1943-cü ildə Kerç uğrunda gedən döyüşdə ağır yaralanmış, oğlu Yusif Səfərovun qolları arasında vəfat etmişdir.
Anası: Xədicə Məhəmməd qızı Hüseynova, evdar qadın olub.
Ədəbiyyat
- Məmmədov Ə., Xalıqov F. Səfərov Yusif // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 348 – 354. — 600 nüsx. — ISBN 5-8066-1708-4..
- "SƏFƏROV YUSİF HƏBİBULLA OĞLU (1921-2002) Tarixçi". http://history.bsu.edu.az/ (azərb.). Bakı Dövlət Universiteti. 18 Jun 2017 – 11 Apr 2020 tarixində arxivləşdirilib.