Fikrət Əzizov

Fikrət Əzizov
Əzizov Fikrət Vahid oğlu
Fikrət Əzizov.
Anadan olub	29 mart 1930(1930-03-29)
Anadan olduğu yer	Nuxa (indiki Şəki), Azərbaycan SSR, ZSFSR, SSRİ
Vəfat edib	13 mart 1998 (67 yaşında)
Vəfat etdiyi yer	Bakı, Azərbaycan
Dəfn yeri	Məhəmməd əfəndi qəbiristanlığı, Şəki, Azərbaycan
Həyat yoldaşı	Elmira
Atası	Vahid
Anası	Heyran
Təhsili	Azərbaycan Politexnik İnstitutu, dəmir yolu nəqliyyatı fakültəsi (1949–1954)

Fikrət Əzizov (1930–1998) — sovet dövründə Bakının bir sıra iri sənaye müəssisələrində rəhbər vəzifələr tutmuş şəxs. Müxtəlif illərdə Bakı məişət kondisionerləri zavodunun direktor müavini, “Azərelektrikişıq” Bakı İstehsalat Birliyinin baş direktoru və s. vəzifələrdə çalışmışdır.

Haqqında məlumatlar

29 mart 1930-cu il tarixdə Nuxada (indiki Şəki) anadan olub.

Təhsili

M.Qorki adına Nuxa şəhər 10 №-li orta məktəbini bitirib.

1949 – 1954-cü illərdə Azərbaycan Politexnik İnstitutunun dəmir yolu nəqliyyatı fakültəsində təhsil alıb.

Əmək fəaliyyəti

1954 – 1956-cı illərdə Şimali Qafqaz Dəmir Yollarının Proxladnıy stansiyasında texniki kontorunun rəisi,

1956 – 1958-ci illərdə Azərbaycan Dəmir Yollarının Keşlə stansiyasında dispetçer,

1960-cı ilədək Sumqayıt Alüminium zavodunda nəqliyyat sexinin rəisi,

1960 – 1962-ci illərdə Azərbaycan SSR Maşınqayırma İdarəsində şöbə rəisi,

1962-ci ildən Bakı məişət kondisionerləri zavodunun direktor müavini,

1975-ci ildən “Azərelektrikişıq” Bakı İstehsalat Birliyinin baş direktoru vəzifəsində çalışıb.

Vəfatı

13 mart 1998-cı il tarixdə – 67 yaşında, Bakıda vəfat edib. Şəkidə – Məhəmməd əfəndi qəbiristanlığında dəfn olunub.

Ədəbiyyat

1. Məmmədov Ə., Xalıqov F. Əzizov Fikrət // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 134-135. — 600 nüsx. — ISBN 5-8066-1708-4.