Ramiz Orsər

Ramiz Yusifov
Yusifov Ramiz Rəhim oğlu
Ramiz Orsər.
Təxəllüsü	Orsər
Doğum tarixi	20 avqust 1956 (1956-08-20)
Doğum yeri	Qoxmuq, Nuxa rayonu (indiki Şəki rayonu), Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Kirovabad Pedaqoji İnstitutu, azərbaycan dili və ədəbiyyatı fakültəsi (–1981)
facebook səhifəsi

Ramiz Orsər — şair və yazıçı, pedaqoq və ədəbiyyatşünas, Şəki Dövlət Regional Kollecinin sabiq müəllimi.

Haqqında məlumatlar

20 avqust 1956-cı il tarixdə Nuxa (indiki Şəki) rayonunun Qoxmuq kəndində anadan olub.

Təhsili

1973-cü ildə Qoxmuq kənd orta məktəbini,

1981-cı ildə Kirovabad Pedaqoji İnstitutunun azərbaycan dili və ədəbiyyatı fakültəsini bitirib.

Əmək fəaliyyəti

Müxtəlif illərdə Şəki şəhər Könüllü Kitabsevərlər Cəmiyyətinin məsul katibi,

Azərbaycan KP Şəki şəhər komitəsində təlimatçı,

Şəki şəhər İcra hakimiyyəti aparatında baş məsləhətçi,

Bakı Dövlət Universitetinin Şəki filialında və Şəki Pedaqoji Kollecində və Şəki Dövlət Regional Kollecinində müəllim vəzifəsində çalışıb.

Yaradıcılığı

1986–2019-cu illər arasında 16 kitabı çap olunub.

Öz şeir və hekayələri ilə yanaşı, çoxlu sayda şəxsin bioqrafik məlumatlarını da toplayıb çap etdirib. 856 səhifəlik “Şəkidən gələn səslər” kitabı 237 şəkili şair və yazıçının bioqrafik məlumatlarından və yaradıcılıqlarından nümunələrdən ibarətdir. “Haqqın səsi” kitabı isə bütünlüklə Şirməmməd Hüseynovun həyat və fəaliyyətinə həsr edilib.

Kitablarının siyahısı

• Şəkil Şəki (1986);
• Mən güney çiçəyiyəm (1997);
• Bir görüş nəğməsi (1998);
• Adına qurban (2001);
• Mamay Məmməd (2001);
• Məhəbbət ovu (2003);
• Vətən nəğməsi (2004);
• Yaşıl səs – Çingiz və kamerası (2006);
• Yaxşılıq (2007);
• İşıq məbədi – həmmüəllif (2010);
• Yaxşılıq etməkdən doymayan adam (2011);
• İşıqlı ömür yolu (2011);
• Bu vətəndə (2013 – 2014);
• Qarabağ dərdi (2015);
• Şəkidən gələn səslər (2018);
• Haqqın səsi (2019).

Ədəbiyyat

1. Orsər R. Ramiz Orsər // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 592. — 500 nüsx. — ISBN 978-9952-8176-5-2.