Vaqif Cabbarzadə
| Vaqif Cabbarzadə | |
|---|---|
| Cabbarzadə Vaqif Mustafa oğlu | |
 | |
| Vaqif Cabbarzadə, 2023-cü il. | |
| Doğum tarixi | 15 oktyabr 1945 |
| Doğum yeri |
Nuxa (indiki Şəki), .svg){kind=small} Azərbaycan SSR,  SSRİ |
| Elm sahəsi | riyaziyyat |
| İş yeri | Azərbaycan Dövlət Pedaqoji Universiteti, cəbr və həndəsə kafedrası |
| Elmi dərəcəsi | elmlər namizədi |
| Elmi adı | dosent |
| Təhsili | S.M.Kirov adına Azərbaycan Dövlət Universiteti, mexanika-riyaziyyat fakültəsi (–1968) |
| Atası | Mustafa Cabbarzadə |
| Facebook səhifəsi | |
Vaqif Cabbarzadə — riyaziyyatçı alim-pedaqoq, fizika-riyaziyyat elmləri namizədi, Azərbaycan Dövlət Pedaqoji Universitetinin cəbr və həndəsə kafedrasının dosenti.
Haqqında məlumatlar
15 oktyabr 1945-ci il tarixdə Nuxada (indiki Şəki) anadan olub.
Təhsili
1962-ci ildə Nuxa şəhər 3 saylı orta məktəbini qızıl medalla bitirib.
1968-ci ildə S.M.Kirov adına Azərbaycan Dövlət Universitetinin mexanika-riyaziyyat fakültəsini bitirib.
Əmək fəaliyyəti
1968 – 1970-ci illərdə Vartaşen (indiki Oğuz) rayonunun Padar kənd orta məktəbində riyaziyyat müəllim işləyib.
1970-ci ildən V.İ.Lenin adına Azərbaycan Pedaqoji İnstitutunun hesablama riyaziyyatı və informatika kafedrasında assistent vəzifəsinə işə qəbul olunub.
2012-ci ildən Azərbaycan Dövlət Pedaqoji Universitetinin cəbr və həndəsə kafedrasının dosentidir.
Elmi fəaliyyəti
1988-ci ildə Kişinyov şəhərində (Moldaviya SSR, SSRİ) namizədlik dissertasiyasını müdafiə edib.
1992-ci ildə Rusiya Federasiyasının Elm, ali məktəb və texniki siyasət hazırlığının ali məktəb komitəsindən dosent elmi adını alıb.
38 elmi məqalənin və bir neçə kitabın müəllifidir. Respublika və beynəlxalq elmi konfranslarda məruzələrlə çıxış edib.
Digər
1961-ci ildə – orta məktəbdə oxuyarkən, respublika riyaziyyat olimpiadasının qalibi olub.
Ədəbiyyat
- Məmmədov Ə., Xalıqov F. Cabbarzadə Vaqif // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 63. — 600 nüsx. — ISBN 5-8066-1708-4.
- 'Cabbarzadə Vaqif Mustafa oğlu' : [arx. 12 Nov 2018 - 6 Sep 2019] // Adpu.edu.az. — Müraciət tarixi: 13.10.2021.
 | © 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |