Sabir Əfəndiyev

Sabir Əfəndiyev
Əfəndiyev Sabir Məmmədtahir oğlu
Sabir Əfəndiyev.
Doğum tarixi	10 mart 1933(1933-03-10)
Doğum yeri	İlisu, Qax rayonu, Azərbaycan SSR, SSRİ
Vəfat tarixi	19 aprel 2019 (86 yaşında)
Vətəndaşlıq	SSRİ→ Azərbaycan
Təhsili	S.M.Kirov adına Azərbaycan Dövlət Universiteti, jurnalistika fakültəsi (1950–1955)

Sabir Əfəndiyev (1933–2019) — filologiya elmləri namizədi, jurnalis, publisist, nasir.

Haqqında məlumatlar

10 mart 1933-cü il tarixdə Qax rayonunun İlisu kəndində anadan olub.

Təhsili

İlisu kənd orta məktəbini bitirib.

1950 – 1955-ci illərdə Azərbaycan Dövlət Universitetində jurnalistika fakültəsində təhsil alıb.

Əmək fəaliyyəti

1955 – 1957-cu illərdə “Nuxa fəhləsi” qəzetinin redaksiyasında ədəbi işçi,

1957 – 1959-cu illərdə şöbə müdiri,

1959 – 1963-cü illərdə Azərbaycan SSR Nazirlər Soveti yanında Televiziya və Radio Verilişləri Komitəsinin Nuxa radio verilişləri redaksiyasının böyük redaktoru,

1963 – 1969-cu illərdə Azərbaycan KP Nuxa/Şəki şəhər partiya komitəsinin təbliğat və təşviqat şöbəsinin müdiri,

1969 – 1972-ci illərdə Azərbaycan SSR Televiziya və Radio verilişləri Komitəsinin xüsusi müxbiri,

1972 – 1980-ci illərdə Azərbaycan SSR EA Fizika İnstitutunun nəzdində Şəki Zona Elmi Bazasının elmi katibi,

1980-cı ildən Azərbaycan SSR EA Tarix İnstitutunun Arxeologiya və Etnoqrafiya sektorunda Sovet dövrü etnoqrafiya şöbəsində baş elmi işçi vəzifəsində çalışıb.

Vəfatı

19 aprel 2019-cu il tarixdə – 86 yaşında, Şəkidə vəfat edib.

Ədəbiyyat

1. Mete Ə. Şəki qəzetləri və qəzetçiləri // O torpağın övladları. — Bakı: Nurlan, 2006. — Səhifələrin sayı:  608. — Səh.: 374-375. — 500 nüsx.
2. Görkəmli şəxsiyyətlər : Sabir Əfəndiyev : [arx. 08.03.2022] // Qax rayon Mərkəzləşdirilmiş Kitabxana Sistemi. — 2015. — 23 fevral. — Müraciət tarixi: 08.03.2022.
3. Orsər R. Sabir Əfəndiyev // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 325-327. — 500 nüsx. — ISBN 978-9952-8176-5-2.