Yaqub Süleymanov

Yaqub Süleymanov
Süleymanov Yaqub Məhərrəm oğlu
Yaqub Süleymanov.
Doğum tarixi	27 dekabr 1932(1932-12-27)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	2 yanvar 1993 (60 yaşında)
Vəfat yeri	Bakı, Azərbaycan
Dəfn yeri	Narlı qəbiristanlığı, Şəki, Azərbaycan
Vətəndaşlıq	SSRİ→ Azərbaycan
Elm sahəsi	fizika-riyaziyyat
Elmi dərəcəsi	elmlər namizədi
Elmi adı	professor
Təhsili	• S.M.Kirov adına Azərbaycan Dövlət Universiteti, fizika-riyaziyyat/mexanika-riyaziyyat fakültəsi (1957–1962)  • aspirantura
Həyat yoldaşı	Rahilə
Evladları	Nigar, Məhərrəm və Süleyman
Atası	Məhərrəm
Anası	Xanım

Yaqub Süleymanov (1932–1993) — tanınmış pedaqoq, fizika-riyaziyyat elmləri namizədi, professor.

Haqqında məlumatlar

27 dekabr 1932-ci il tarixdə Nuxada (indiki Şəki) anadan olub.

Təhsili

Böyük Vətən müharibəsi dövründə (1941–1945) əməklə məşğul olması səbəbindən orta təhsilini davam etdirə bilməsə də 1950-ci illərdə axşam məktəbində orta təhsilini tamamlayıb.

1957 – 1962-ci illərdə S.M.Kirov adına Azərbaycan Dövlət Universitetinin fizika-riyaziyyat/mexanika-riyaziyyat fakültəsində, sonralar isə aspiranturada təhsil alıb.

Elmi fəaliyyəti

Namizədlik dissertasiyasını müdafiə edərək fizika-riyaziyyat elmləri namizədi elmi dərəcəsini alıb. Daha sonra əvvəl dosent, sonra isə professor elmi adını alıb. 20-yə yaxın dərs vəsaiti çap etdirmişdir.

Əmək fəaliyyəti

1957-ci ildən bir müddət Azərbaycan Politexnik İnstitutunun ali riyaziyyat kafedrasına müəllim, sonra uzun müddət Lipetsk Politexnik İnstitutu ali riyaziyyat kafedrasının müdiri, daha sonra Azərbaycan İnşaat Mühəndisləri Universitetinin ali riyaziyyat kafedrasında əvvəl dosent, sonra isə professor vəzifəsində çalışıb.

İctimai-siyasiaktivliyi

Azərbaycan Riyaziyyat Müəllimləri Assosiasiyasının ilk prezidenti olub.

Vəfatı

2 yanvar 1993-cü il tarixdə – 60 yaşında, Bakıda vəfat edib.

3 yanvar 1993-cü il tarixdə Şəkidə Narlı qəbiristanlığında dəfn olunub.

Ədəbiyyat

1. Məmmədov Ə., Xalıqov F. Süleymanov Yaqub // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 515-516. — 1.000 nüsx.