Mirzə Mustafa Axundov

Mirzə Mustafa Axundov
Axundov Mirzə Mustafa Axund Ələsgər oğlu
Axundovların vaxtilə yaşadıqları ev (Şəki).
Anadan olub	1834(1834-Şablondakı doğum və ya ölüm tarixində texniki yanlışlıq var!-00)
Anadan olduğu yer	Nuxa, Şəki əyaləti, Rusiya İmperiyası
Vəfat edib	(23 iyun) 6 iyul 1903 (69 yaşında)
Atası	Hacı Molla Ələsgər
Təhsili	Tiflis gimnaziyası

Mirzə Mustafa Axundov (1834–1903) — Qafqaz canişininin baş idarə dəftərxanasının tərcüməçisi. Mirzə Fətəli Axundovun qaynı idi. Hər ikisinin sənədlərində familiyaları və atalarının adları eyni olduğundan çox vaxt doğma qardaş hesab olunublar, Mirzə Fətəli Axundov özü də onu rəsmi dairələrə “qardaşım” deyə təqdim edirdi.

Haqqında məlumatlar

1834-cü ildə Nuxada (indiki Şəki) anadan olub.

Təhsili

Əvvəlcə yerli qəza məktəbində, sonra isə Tiflis gimnaziyasında təhsil alıb. Bununla yanaşı, yaxın qohumu Mirzə Fətəli Axundov onun kiçik yaşlarından türk, ərəb, azərbaycan və fars dillərini öyrənməsi üçün ona bilikli və təcrübəli müəllimlər də tutmuşdur. Daha sonralar isə erməni və gürcü dillərini də öyrənib.

Əmək fəaliyyəti

1854-cü ilin son ayında Qafqaz canişininin baş dəftərxanasında mülki işlər sahəsində Şərq dilləri üzrə mütərcim vəzifəsində çalışan yaxın qohumu Mirzə Fətəli Axundovun vasitəsi ilə dövlət qulluğuna qəbul olunub. O cümlədən, Mirzə Fətəli Axundov dövlət xidməti ilə əlaqədar Tiflisdə olmadığı və ya xəstələndiyi vaxtlarda, bir qayda olaraq, onun vəzifəsini icra edib, sənədlərin yazılı tərcüməsi ilə məşğul olub.

1868-ci əvvəlində Qafqaz canişininin baş idarə dəftərxanasında VIII dərəcə hüququnda tərcüməçi idi.

Vəfatı

6 iyul (23 iyun) 1903-cü il tarixdə – 69 yaşında, Tiflisdə vəfat edib.

Ədəbiyyat

1. Zeynalzadə A. Azərbaycan mətbuatı bə çar senzurası (1850–1905). — Bakı: Elm, 2006. — Səhifələrin sayı:  328. — Səh.: 19 – 20. — ISBN 5806617580.
2. Quliyev V. Bir daha Mirzə Fətəli Axundovun dəfni haqqında // 525-ci qəzet : qəzet. — Bakı, 2012. — В. 19 may. — Səh. 14 – 15. Arxivləşdirilib; arxivləşdirmə tarixi: 16 mart 2020.